ازاي تختار مرشحك في انتخابات البرلمان المصري 2015

الاستعلام عن لجنتك الانتخابية ورقم اللجنة الفرعية من خلال بطاقة الرقم القومي 300x159 ازاي تختار مرشحك في انتخابات البرلمان المصري 2015
اضغط على الصورة لتكبير حجمها

تحديث: للاطلاع على اسماء مرشحين الفردي والقوائم النهائية للمرحلة الثانية من الانتخابات البرلمانية التي ستجري في 22 و23 نوفمبر 2015 بالتفصيل من حيث اسم المحافظة, الرمز, الانتماء الحزبي, الرقم المسلسل  واسم الدائرة والمركز الخ…اضغط هنا اسماء مرشحين الفردي للمرحلة الثانية من انتخابات البرلمان المصري 2015 , واضغط هنا للإطلاع على اسماء مرشحين القوائم للمرحلة الثانية من انتخابات البرلمان المصري 2015

اما التالي خاص بالمرحلة الاولي

اولا, للاستعلام عن لجنتك الانتخابية ورقم لجنتك الفرعية من خلال رقم بطاقتك القومي, اضغط على الينك التالي: 

اضغط هنا الموقع الرسمي للجنة العليا للانتخابات برلمان مصر 2015 , سجل 14 رقم بطاقتك القومية هيظهر لك بيانات لجنتك الانتخابية ورقم اللجنة الفرعية.

ثانيا, للاستعلام عن مرشحك , او حزب او دائرة انتخابية معينة, او جميع مرشحي الفردي او جميع مرشحي القوائم اضغط على الينك التالي:

قائمة المرشحين فردي وقوائم 300x164 ازاي تختار مرشحك في انتخابات البرلمان المصري 2015
اضغط على الصورة لتكبير حجمها

اضغط هنا الموقع الرسمي للجنة العليا لإنتخابات البرلمان المصري 2015هيظهر لك صفحة قائمة المرشحين ممكن تضغط على تحميل جميع مرشحين الفردي او تحميل جميع مرشحين القوائم الموجودة اعلي الصفحة ناحية الشمال, هيظهر لك البيانات الكاملة سواء للمرشحين الفردي او مرشحين القوائم بأسماء الاحزاب تفصيليا

او في نفس الصفحة عندك اختيار انك تدور بإختيار نوع الدايرة كما هو موضوح في الصورة, اختار نوع الدايرة فردي او قوائم اختار ايا منهما حدد اسم المحافظة والدائرة الي انت تابع لها هيظهر لك اسماء المرشحين والانتماء الحزبي الخاص بيهم والرمز الانتخابي. نفس الشيء لو اخترت القوائم هيظهر لك بيانات الاحزاب وجنبها بين قوسين (عرض المرشحين) بالضغط عليها هيظهر لك اسماء المرشحين للقوائم الخاصة بالاحزاب.

من خلال الينك عاليه لقائمة المرشحين اختار “قوائم” دائرة قطاع شمال ووسط وجنوب الصعيد (قائمة في حب مصر) ورمزها زهرة اللوتس, بالاضافة الي قائمة المرشحين  “قوائم دائرة قطاع شمال ووسط وجنوب الصعيد (ائتلاف الجبهة المصرية وتيار الاستقلال) ورمزها سيارة, وبالضغط على (عرض المرشحين هتجد كل اسماء سواء قائمة في حب مصر او ائتلاف الجبهة المصرية وتيار الاستقلال)

ومن خلال ايضا قائمة المرشحين للينك عاليه, اختار قوائم دائرة قطاع غرب الدلتا (قائمة في حب مصر) ورمزها زهرة اللوتس, بالاضافة الي قائمة المرشحين  “قوائم دائرة قطاع غرب الدلتا (ائتلاف الجبهة المصرية وتيار الاستقلال) ورمزها سيارة وايضا قائمة ( فرسان مصر) ورمزها قلادة , وبالضغط على (عرض المرشحين هتجد كل اسماء سواء قائمة في حب مصر او ائتلاف الجبهة المصرية وتيار الاستقلال او قائمة فرسان مصر)

اضغط هنا للدخول على الموقع اليكتروني الخاص لقائمة في حب مصر اخبارها ووسائل الاتصال بها لمن يحب التواصل معهم من خلال الايميل التالي info@fe7obmasr.org

التالي قائمة بأسماء بعض الاحزاب السياسية في مصر و نثق في ان الناخب المصري يمكن ان يختار منها النائب الي يمثله في انتخابات مجلس النواب المصري لعام 2015 

حزب حماة الوطن 300x44 ازاي تختار مرشحك في انتخابات البرلمان المصري 2015حزب حماة الوطن قام بتاسيسه عدد من العسكريين والظباط المصريين المتقاعدين ومنهم الفريق جلال هريدي وهو احد مؤسسي سلاح الصاعقة المصري, تم تأسيس الحزب في فترة ثورة 30 يونيو 2013 العظيمة. قال الفريق جلال هريدي ان الحزب هدفه حماية مصر وشعبها من حالة التخبط السياسي التي مرت بها البلاد وهذا ما دفعة هو والضباط المتقاعدين لإنشاء حزب لإحياء الأمل لغد أفضل للمصريين.

حزب حماة الوطن ينافس على المقاعد الفردية في نصف الدوائر الإنتخابية، وهي نسبة جيدة في أول انتخابات برلمانية يخوضها الحزب منذ نشأته. واعلن الحزب انه تم إعداد كوادر وعناصر مميزة من مختلف الفئات للدفع بهم لخوض الانتخابات في المحافظات، خاصة المرأة التي كان لها النصيب الأكبر في التواجد بين مرشحي الحزب لقائمة “في حب مصر” والتي انضم إليها في فبراير الماضي.

أهم محاور البرنامج الإنتخابي للحزب هو مكافحة الفقر خاصة في محافظات الصعيد، وتطوير العشوائيات وتنمية سكانها وتلبية احتياجاتهم، ورؤية شاملة للحزب بشأن أغلب المشكلات التي يعاني منها المجتمع المصري ووضع حلول لها من خلال خبراء متخصصين في مجالات مختلفة.

للتعرف على برنامج الحزب وكل مايتعلق بنشاطاته المختلفة ومشاركته في انتخابات البرلمان المصري 2015 اضغط هنا الموقع الرسمي لحزب حماة الوطن   تليفونات الحزب  :

01155711819 – 01221012242 – 01112476293

حزب الحركة الوطنية المصرية 300x124 ازاي تختار مرشحك في انتخابات البرلمان المصري 2015حزب الحركة الوطنية المصرية هو حزب سياسى مصري اعلن عن تأسيسه وأسسه الفريق أحمد شفيق، ووافقت لجنة شئون الأحزاب علي تأسيسه في 6 يناير 2013.

حزب الحركة الوطنية المصرية يؤمن بمدنية الدولة والتي تعني دولة القانون لكل مواطنيها، والمساواة في الحقوق والواجبات، وقبول التعددية الاجتماعية ، وتمكين جميع أبناء مصر من التعبير عن كياناتهم وانتمائاتهم، كما يؤمن بالديمقراطية كنظام للحكم وآسلوب حياةْ وهو ما يعني السيادة للمواطنين، وتداول السلطة والاختيار الحُر للمسئولين من المحليات إلى رئاسة الجمهورية، ويؤمن باهمية تحقيق التنمية الشاملة والمتوازنه ، وبحيث تدور عجلتها في مختلف انحاء مصر ، في ذات التوقيت ، وبنفس المعدلات ، وفي مختلف المجالات ، والسعي لتحقيق العدالة الاجتماعية وتحسين مستوي معيشه المصريين و استفادة كافة المواطنين من ثمار التنمية، والعمل علي تمكين الشباب والمرآة ، واتاحة الفرصة للجميع للمشاركة في بناء مصر دون اقصاء او ابعاد، واستعادة الدور القيادي لمصر والمكانه التي تستحقها بين دول العالم

للتعرف على برنامج الحزب ونشاطاته المختلفة ومشاركته في انتخابات البرلمان المصري 2015 اضغط هنا الموقع الرسمي لحزب الحركة الوطنية المصرية واضغط هنا لصفحة الحزب الرسمية على الفيس بوك

تليفونات وعنوان حزب الحركة الوطنية المصرية:

المقر الرئيسى لحزب الحركة الوطنية المصرية :21 شارع كليوبترا – تقاطع الثورة – مصر الجديدة – القاهرة – تليفون:

24155500 – 01142215479 – 01152150363

البريد الاليكتروني contact@hwmparty.com

لعناوين مقرات حزب الحركة الوطنية المصرية على مستوى المحافظات, اضغط هنا

حزب السلام الديمقراطي 300x88 ازاي تختار مرشحك في انتخابات البرلمان المصري 2015حزب السلام الديمقراطي هو حزب سياسي مصري تأسس عام 2005. مؤسس الحزب ورئيسه الحالي هو المستشار أحمد الفضالي. يرفع الحزب شعار «الشعب أساس الحكم». يرأسه المستشار أحمد الفضالي. وقد اختار الحزب الفريق حسام خير الله رئيس هيئة المعلومات والتقديرات ووكيل جهاز المخابرات العامة المصرية الأسبق مرشحًا لرئاسة الجمهورية في عام 2012. المستشار احمد الفضالي رئيس حزب السلام الديمقراطي ورئيس تيار الاستقلال رجل وطني وله نشاط كبير في محاربة الفساد و الدفاع عن مصر على الاخص في فترة حكم جماعة الاخوان الارهابية ومابعدها وكان له دور ونشاط مكثف في تصحيح صورة مصر امام الرأي العام العالمي بعد ثورة  30 يونية 2013

  رقم الهاتف  25743446 القاهرة  مقر الحزب: 33 ش رمسيس برج معرف ( ب) – الدور الثالث – القاهرة تليفون: 01117187179  استاذ عمر عطية للاستفسارالهاتف والاتصال بعد 7 مساءا – للدخول لحساب المستشار احمد الفضالي على الفيس بوك اضغط هنا

حزب مصر بلدي هو حزب يسعى نحو عقد اجتماعى جديد تتكامل فيه السياسات الاجتماعية والاقتصادية بما يتحقق الرخاء للمواطنين والحفاظ على مكتسباتحزب مصر بلدي 300x126 ازاي تختار مرشحك في انتخابات البرلمان المصري 2015 الوطن ورفع مكانته وشأنه وعودة مصر لمكانتها الأقليمية والدولية المعهودة

صرح قدري أبو حسين رئيس حزب مصر بلدي وعضو ائتلاف الجبهة المصرية بأنه في اطار سباق انتخابات مجلس النواب  تم التقدم بأوراق ترشح ” قائمة مصر” وهي القائمة الموحدة التي تضم أحزاب ائتلاف الجبهة المصرية وتيار الاستقلال، وذلك للمنافسة على ثلاث قطاعات جغرافية وهي قطاع الصعيد وقطاع القاهرة ووسط الدلتا وقطاع الأسكندرية وغرب الدلتا العنوان الرئيسي لمقر حزب مصر بلدي : 8 شارع ابراهيم نجيب برج الصباح الدور الثالث جاردن سيتي القاهرة

التليفون: 27929738 02 الفاكس: 27929748 02
للمراسلات عن طريق البريد الاليكتروني : masrbalady1@yahoo.com

للتواصل مع أمانة الإعلام
المستشار الاعلامي / عبد العظيم صدقي – أمين الاعلام 01223228884
محمود عبد الباسط – مساعد أمين الإعلام 01001310226
للمراسلات عن طريق البريد الاليكتروني : masrbalady1@yahoo.com

للتعرف على حزب مصر بلدي وبرنامجه ونشاطاته من خلال الموقع الرسمي اضغط هنا   وللصفحة الرسمية للحزب على الفيس بوك اضغط هنا

حزب فرسان مصر يقول اللواء عبد الرافع درويش، و هو مؤسس الحزب و خبير استراتيجي، “عند قسمنا اليمين العسكري قلنا فيه “لن أترك سلاحي قط حتى أذوقحزب فرسان مصر 300x121 ازاي تختار مرشحك في انتخابات البرلمان المصري 2015 الموت”، و هذا يعني أننا لا نترك سلاحنا عندما نتقاعد. هذا السلاح يمكن أن يكون كلمات أو عمل سياسي.” يواصل اللواء درويش قائلاً “لقد خضت أربعة حروب و أعتبر هذه هي حربي الخامسة.” أسس رجال الجيش المتقاعدين الحزب في وقت استراتيجي. وقد تعرض الحزب لإنتقادات شديدة من المتشدقين بمدنية الدولة وكأن رجال  الجيش المتقاعدين ليسوا مصريين لهم من الحقوق مثل ما لأي مواطن مصري وهم الذين يؤدون واجبهم نحو الوطن  على اكمل وجه

يعبر هذا الحزب عن تطلعات المصريين جميعا على اختلاف انتماءاتهم الدينية والاقليمية والمهنية داخل بوتقة الوطنية المصرية التى تتسع للجميع ويعتقد الحزب اعتقادا جازما بقدرة مصر على استيعاب كافة ابنائها

الموقع الرسمي للحزب اضغط هنا   

البريد الالكتروني: info@fursanmasr.org

ارقام التليفونات 24026412 – 24026411

العنوان: 20 شارع الطيران – مدينة نصر – القاهرة

فاكس: 24026414

للتعرف على كل مقرات الحزب في مختلف المحافظات اضغط هنا

امسك الطابور الخامس وخلايا الاخوان النايمة في انتخابات البرلمان المصري 2015 الجزء الاول

عمرو الزمر مرشح ناهيا وكرداسة من عائلة قتلة السادات ومناصري جماعة الاخوان الارهابية 251x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
عمرو الزمر مرشح ناهيا وكرداسة من عائلة قتلة السادات ومناصري جماعة الاخوان الارهابية

بالاضافة لما جاء في المقال المنشور بتاريخ 5 سبتمبر 2015 بعنوان امسك اخوان الارهابية على قوايم حزب النور لانتخابات البرلمان المصري 2015نشرت صفحة امسك حرامي برلمان على الفيس بوك الي هدفها توعية الناخبين من الادلاء بأصواتهم للجماعة الارهابية في انحاء مصر والي بتتستر تحت وجوه وخلايا نايمة مختلفة وطابور خامس التالي: (للانضمام لصفحة امسك حرامي برلمان, اضغط هنا)

اعلن عمرو الزمر، نجل عائلة الزمر الشهيرة في ناهيا وكرداسة، الي منها الثنائي عبود الزمر قاتل الرئيس الراحل محمد انور السادات وطارق الزمر من قيادات الجماعة الإسلامية، والمشاركين في قتل الرئيس الراحل محمد أنور السادات، مشاركته الرسمية في الانتخابات البرلمانية 2015 عن دائرة ناهيا وكرداسة. وهي بردو نفس العيلة الي ساندت جماعة الاخوان الارهابية والي منهم هربانين في قطر وبيحرضوا على القتل والعنف ونشر الفوضي واسقاط الدولة المصرية حتى اللحظة.

وأكد الزمرعلى تقديمه أوراقه للترشح في الانتخابات، وتم قبولها وإعطاؤه رمز التليفون كرمز انتخابي له، معلنا انه بدأ في الجلوس مع كبار عائلات ناهيا وكرداسة للتنسيق بشأن الانتخابات لكسب دعمهم، مشددا على أنه يعتبر مرشح الشباب الأول في الدائرة، وأوضح الزمر أن عائلته ستدعمه بكل قوة في الانتخابات ومش هتقاطعها زي ما ردد البعض. جدير بالذكر أن دائرة ناهيا وكرداسة تعتبر من الدوائر النارية نظرا لوجود أعداد كبيرة من أنصار جماعة الإخوان الإرهابية فيها.

طارق زيدان رئيس حزب الثورة المصرية والمتحدث باسم قائمة نداء مصر مرشح عن جنوب الصعيد 300x192 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
طارق زيدان رئيس حزب الثورة المصرية والمتحدث باسم قائمة نداء مصر مرشح عن جنوب الصعيد

مرشح تاني اسمه طارق زيدان رئيس حزب الثورة المصرية والمتحدث بإسم قائمة نداء مصر قدم اوراق ترشح القايمة عن جنوب الصعيد. طيب نفتكر مع بعض مين هو طارق زيدان؟ طارق زيدان من الناس الي اقتحمت مبني امن الدولة ايام هوجة اسقاط مؤسسات الدولة بعد احداث 25 يناير 2011. طارق زيدان بيقول انه لم يشارك في اقتحام مبني امن الدولة وانه على العكس تماما هو كان ضد اقتحام مبني امن الدولة. طيب الحقيقة فين ياتري هو كداب ولا صادق؟ مفيش دليل على الكلام ده غير للسان طارق زيدان نفسه وهو بيتكلم مع قناة الجزيرة بعد اقتحام مبني امن الدولة.

طيب نسمع ونشوف طارق زيدان الي بيقول انه لم يقتحم مبني امن الدولة وانه شاهد رئيسي ومش متهم وبيدعي الوطنية – طارق زيدان بيقول في الفيديو التالي مع قناة الجزيرة انه بفضل الله تم اقتحام مبني الظلم والطغيان لأمن الدولة وتعالت صيحات الله اكبر الله اكبر ضد الظلم والاستبداد وانه هو وناس تانية اخدوا اجهزة كمبيوتر وملفات من داخل امن الدولة. وانه بفضل الله تمكن هو واخرين من اقتحام المبني…وان ظباط امن الدولة الجبناء هربوا وده سهل الاقتحام ولما الست بتاعة الجزيرة قالت له ليه ياطارق اقتحمتوا ومالجئتوش للجهات الرسمية المختصة؟ قال لها مرشح البرلمان الوطني الي هيدخل البرلمان بحصانة كمان انهم مش بيثقوا في اي جهة في مصر!!! وخلي بالك من “انهم مش بيثقوا دي” هما مين بقى الله اعلم…هو ده طارق زيدان الي هيترشح في البرلمان ايه رأيك يامواطن؟…..هو ده طارق زيدان رئيس حزب الثورة المصرية في مصر وعامل قايمة نداء مصر داخلين بيها الانتخابات بقايمة عن جنوب الصعيد “هي دي الي صحيح تستحق تكبير بقى”

معلومة عل الماشي عن حزب طارق زيدان الي هيمثلك في البرلمان المصري ومن المفترض انه زي مابيقول دلوقتي انه بيساند مؤسسات الدولة الي اقتحمها وحاول هدمها واسقاطها زي امن الدولة ووزارة الداخلية كمان: حزب الثورة المصرية تأسس بعد  احداث العنف في ٢٥ يناير2011، ويرأسه طارق زيدان. و يضم ١١ ائتلافاً وحركةً سياسية، وأعلن عدم مشاركته في انتخابات مجلس الشعب ٢٠١١-٢٠١٢ احتجاجاً على عنف الداخلية. واخد بالك عنف الداخلية في 2011 و2012 مش عنف طابور 25 يناير الخامس ولا الاخوان.

محمد حافظ عطية الأشقر مرشح دائرة الجيزة مستقل  169x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
محمد حافظ عطية الأشقر مرشح دائرة الجيزة مستقل طابور خامس 6 ابريل وحركة كفاية

مرشح تالت محمد حافظ عطية الأشقر مرشح دائرة الجيزة مستقل رمز الساعة احد مؤسسى حركة كفاية وداعمى حركة شباب 6 ابريل ، ومرشح الطابور الخامس وهو احد الخلايا النائمة التى تقف خلف ترشحها جماعة الاخوان الارهابية لتكوين جبهة معارضة ضد حكم الرئيس عبد الفتاح السيسى لانه يمثل بالنسبة لوجهة نظرهم حكم العسكر الى بيرفضوه وعاوزين يسقطوه ويكسروا الجيش المصري وبيحرضوا ضده كمان

محمد حافظ عطية الأشقر مرشح دايرة الجيزة مستقل رمز الساعة احد كؤسسي حركة كفاية و6 ابريل خلايا نايمة اخوان وطابور خامس  300x160 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
محمد حافظ عطية الأشقر مرشح دايرة الجيزة مستقل رمز الساعة احد مؤسسي حركة كفاية و6 ابريل خلايا نايمة اخوان وطابور خامس
‏أشرف‬ أبو كاشيك الداعشي فردي مركز الدلنجات 223x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
‏أشرف‬ أبو كاشيك الداعشي فردي مركز الدلنجات

مرشح رابع كارثة من كوارث حزب النور اسمه اشرف محمود محارب ادريس. حزب النور اختار أشرف محمود محارب إدريس الشهير بـ أشرف أبو كاشيك؛ للترشح على مقعد الفردي بدائرة الدلنجات بمحافظة البحيرة في انتخابات مجلس النواب 2015 م. يذكر أن “إدريس” كان عضوًا في مجلس الشورى السابق عن حزب النور.

وعشان محدش يقول اننا بنسيء لسمعة حزب النور او بنحاول نشهر بيه. ادي الجمل وادي الجمال. مرشح حزب النور بيتكلم عن اخواتنا “النصاري” على حد تعبيره وموقفه من ترشحهم في الانتخابات هو بيتكلم عن ذاته ومحدش واللهي بيفتري عليه. اقرأ الي هو كتبه رأيه الشخصي في “النصاري” الي هما مصريين يعني بس هو مش بيقول عليهم مصريين بتاريخ 23 يناير 2015 على حسابه الشخصي على الفيس بوك وانا مش هعلق كتير بغير ده كارثة من كوارث حزب النور الي مش بيعترف بتحية علم بلده تفتكر يعني موقفه ايه من المصريين اقصد “النصاري” على حد تعبيرهم وتعبير مرشحهم الكارثة هتفهم بشكل واضح انه ممتعض جدا من ترشح النصاري لكن هو زي ماقال له السمع والطاعة لحزب النور الي هو شخصيا وضع دينه بين ايديهم “تكبيير بقي” سمع وطاعة بس شيلنا مرشد الاخوان وحطينا بداله مرشد حزب النور السلفي الي بردو السلفيين سواء في حزب النور او من الانصار مالهم الا السمع والطاعة وكمان بيقول لك انه حط دينه بين ايدين حزب النور ومش بين ايدين ربه الي بيعبده.

حزب النور اختار أشرف محمود محارب إدريس الشهير بـ أشرف أبو كاشيك‬ امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
حزب النور اختار أشرف محمود محارب إدريس الشهير بـ أشرف أبو كاشيك؛ للترشح على مقعد الفردي بدائرة الدلنجات بمحافظة البحيرة في انتخابات مجلس النواب 2015 م. وده رأي مرشح حزب النور السلفي في اخواتك المصريين قصدي “النصاري” على حد تعبيره
الحسيني ابو قمر بورسعيد 250x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
الحسيني ابو قمر بورسعيد

مرشح خامس الحسينى ابو قمر ” بورسعيد “ تورط الحسينى ابوقمر فى المجزرة التى وقعت اثناء مباراة الاهلى والمصرى المعروفة بمجزرة استاد بورسعيد التى دبرها القيادى الارهابى محمد البلتاجى بالاشتراك مع بعض القيادات معه فى الجماعة الارهابية بمعاونة الحسينى ابو قمر الذى اعتاد ان يأكل على كل الموائد. كانت شهادة أحد البلطجية الذين تم التحفظ عليهم من قبل النيابة العامة بداية لكشف النقاب عن حقيقة اللهو الخفى الذى يعمل لحساب الجماعة الارهابية واتباعها.
ولمن لا يعرف فالنائب السابق الحسينى ابوقمر هو أحد المقربين للمهندس احمد عز امين التنظيم بالحزب الوطنى والمشرف على اكبر فضيحة تزوير فى انتخابات البرلمان 2010 .
دخل الحسينى ابوقمر عالم السياسة والبرلمان لقربه من رجل الاعمال البورسعيدى جمال عمر الصديق المقرب لأبناء الرئيس الاسبق مبارك وقتها
خاض الحسينى انتخابات مجلس الشعب عام 2005 ونجح فى تسلق سلم الحزب الوطنى سريعا تحت مباركة من جمال مبارك الذى اختاره وكيلا للجنة الشباب بمجلس الشعب وسرعان ما انقلب عليه عقب احداث 25 يناير وركب الموجة زي غيره كتير وانضم الى صفوف الجماعة الارهابية فى شكل مستتر. اما عن سنوات ادائه تحت قبة البرلمان سابقا ,لم يسجل فيها موقفا واضحا تجاه قضية بعينها.

صلاح عبد المعبود حزب النور السلفي 300x173 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
صلاح عبد المعبود حزب النور السلفي

مرشح سادس المهندس صلاح عبد المعبود عضو الهيئة العليا ومجلس الشوري قيادي لحزب النور فردي عن بندر شبين الكوم – ماله بقى صلاح عبد المعبود؟ مالوش بس نفتكر مع بعض كده صلاح عبد المعبود في 2012 في مجلس شعب الاخوان ونفتكر بردو ان لولا الاخوان رفضوا يقسموا التورتة مع حزب النور وياخدوهم جنبهم على الكرسي لما كانوا في السلطة ماكانوش مسكوا العصاية من النص واخدوا الجانب الرابح لما التيار العام كان ضد الاخوان فقرر السلفيين وحزب النور انهم ينطوا من مركب الاخوان قبل ماتغرق وتغرقهم معهم. ارجوك افهم ان الفكرواحد. كل الي الاخوان بيعتنقوه من افكار, السلفيين اكتر منهم كمان واكتر تشددا بس هما مجتش لهم الفرصة ولو جت الفرصة هينقضوا و هياخدوا راحتهم ع الاخر, حزب النور وحزب الحرية والعدالة الاخواني الارهابي سابقا وجهين لعملة واحدة.

المهندس صلاح عبد المعبود في الفيديو التالي بيقول ايه على الملأ: بيقول ياريس مرسي يانور عينينا احنا ماسكين شباب حزب النور بالعافية عن الناس الي بيعارضوك والناس الي ضدك, ايدينا انت بس الاشارة ونجيبهم لك في شيكارة!!!! افتكرت يااخي المواطن ولا افكرك كمان نفس الجملة دي اتقالت لما حاصروا مدينة الانتاج الاعلامي ولما حاصروا المحكمة الدستورية العليا ولما حاصروا مبني امن الدولة….افكرك كمان ,

المهندس صلاح عبد المعبود الي قال الاخوان دول نور عينينا ومش مختلفين معهم نهائي الا في الآليات,عشان كده وجهت عنايتك وانتباهك ان الاخوان وحزب النور السلفي وجهان لعملة واحدة وبعدين الاخوان بقوا عيني فيهم وكوخه عليهم يا باشمهندس ….سبحان من يغير ولا يتغير وان لله في خلقه شئون صحيح.

نسمع صلاح عبد المقصود كده في الفيديو ده في حزب شوري الاخوان عشان محدش يقول اننا بنفتري عليه وبنشوه سمعتهم او صورتهم واللهي هما الي بيشوهوا صورتهم وسمعتهم بإيديهم. انعنش لك الذاكرة عشان التكرار بيعلم الشطار. اسمع صلاح عبد المقصود كل حاجة وعكسها. واللهي مفيش على مصر اخطر من الناس المتلونة الي معندهاش مبدأ ثابت, تركب الموجة ايا كانت حتى لو كانت موجة ارهابية لإسقاط مصر ومؤسساتها.

وعشان نبقي منصفين وملتزمين بالمصداقية والصدق, الموقع ده منذ انشاؤه في كل الي تم نشره لا يفتري على الله كذبا ولا يهاجم اي شخص او جماعة او حزب الي اخره لاكذبا ولاتضليلا, ولكن كل الي بنعمله اننا بنعرض حال الشخص نفسه يعني بنعرض كلامه هوعن للسانه وافعاله وانت بقي يامواطن ليك حرية الاختيار والقرار.

وعاوزة افكرك بحاجة مهمة جدا. لما وفود رسمية او غير رسمية من الامريكان بيجوا مصرعشان يجتمعوا مع احزاب او معارضين او تيارات مختلفة او نشطاء او غيرهم في مصر كان فيه ناس حسهم الوطني عالي وكتير منهم رفضوا يقابلوا الامريكان قولا واحدا لأنهم مصريين وطنيين وبيرفضوا تدخل الامريكان كمبدأ عام من بابه في شئون مصر الداخلية وبيرفضوا عقد صفقات مع الامريكان. وبعدين الامريكان سواء على المستوي الرسمي او الغير رسمي المفروض يقابلوا جهات رسمية زيهم تابعين للدولة وده طبيعي جدا لأن مصر مش ممكن تعيش بمعزل عن العالم وملتزمة بإتقاقيات ومعاهدات تفرض عليها تعامل سياسي دبلوماسي معين والحمدالله مش على حساب استقلالنا ولا على حساب اننا نقبل تدخل الخواجات في شئوننا الداخلية والنظام المصري الحالي رافع مناخير وراس مصر لفوق وكرامتها محفوظة تالت ومتلت…

لكن الشهادة لله حزب النور مضياف وصدره رحب للأمريكان زي الاخوان تمام. الامريكان بيحطوا ايديهم مع كل حد واي حد عشان حاجة واحدة بس, عشان مصالحهم فقط لاغير.  وافكرك بنادر بكار الشهادة لله بردو بيكتب بإنتظام في اكبر مراكز البحوث الامريكية عن شئون مصر الداخلية بالانجليزي. مش عرفة ليه اي واحد من المفترض انه مصري يعني لما يحب يناقش شئون مصر الداخلية ليه يتكلم عن احوالنا الداخلية الي تخصنا مع الخواجات؟ وايه الكلام الكبير ده نفس كلام الاخوان عن الدولة الكمعية الانكلابية الي بتقمع التيار الاسلامي؟ الله هو حزب النور مش تبع الانكيلاب ولا ايه؟ طب ولما هي دولة كمعية ياسيد نادر بتشاركوا في الحياة السياسية ليه؟ ولما هي بتكمع التيار الاسلامي انتم مالكم ومال التيار الاسلامي طيب هو انتم مش صدعتونا بأن حزب النور مش حزب ديني ولكن حزب سياسي؟ ايه اللخبطة دي ….وليه نادر بكار ممثل حزب النور يكتب بالانجليزي طيب مايكتب بالعربي ده حتى النبي عربي ياشيخ نادرعشان يفهمنا على الاخص انها حياتنا وبلدنا ومشاكلنا مش مشاكل الامريكان يعني ولا هو قرع لازم يمد لبره وخلاص!!!

نادر بكار حزب النور السلفي 300x169 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
نادر بكار حزب النور السلفي

وعشان أأكد لك صدق كلامي واني مش بفتري على حزب النور مرة تانية وتالتة وعشرة. ده عنوان مقال كتبته في 29 نوفمبر 2013 “ياحزب النورمصر ليست من مخلفات الاخوان ولا هي إرث تقسموه كما يحلو لكم اقرأ رسائل حزب النور للغرب”. المقال ده وجهته لنادر بكار ردا على مقالاته الي كان بيكتبها في اكبر مركز بحوث امريكي اسمه مركز او موقع المجلس الاطلسي من احد المراكز الي بتشارك في سياسة صنع القرار في توجيهات وتزكيات للإدارة الامريكية عن كيفية التعامل مع السياسة الخارجية للشرق الاوسط, لقراءة المقال اضغط هنا.

والسيد نادر الي صدعنا بردو ان هو وحزب النور مؤمنين بحرية التعبير والديمقراطية والرأي والرأي الاخر الاخ نادر اخي في الوطن الغالي عمل لي بلوك على تويتر عشان عبرت عن رأيي الي بيكفله ليا القانون والدستور في بلدي. طيب يعني انت بتكره الي عبرت بيه عن رأيي فقفلت عليا مية ونور ياحزب النور بدل ماتتناقش معايا وتفهمني يمكن انا فاهمة غلط….الله يانادر يابن بكار يعني عاوزين تترشحوا في البرلمان عشان تعملوا للمواطنين بلوك من البرلمان ولاايه؟  هي دي احترام الرأي والرأي الاخر؟ هو ده الاختلاف الي لا يفسد للود قضية؟ للأسف انتم ينطبق عليكم اية المنافق ثلاث اذا حدث كذب واذا وعد اخلف واذا اؤتمن خان يعني اخوان ياسيد نادر!!!

واخيرا وليس اخرا, المقال ده جزء اول من اجزاء كتير وهنفضل نرصد مع كل اخواننا واخواتنا المصريين الشرفاء كل واي فاسد مصلحجي وكل متأسلم متطرف تاجر دين مش عاوز من مجلس نواب مصر القادم غير الحصانة  والمنظرة والفشخرة والمحسوبية ويقول لك العدالة الاجتماعية والعيش والحرية والعدالة وهو اصلا له اهداف ومصالح واجندة خاصة ولا يفرق معاه انا او انت نهائي…

كفايانا قرف بقى, ساعدنا يساعدك ربنا دنيا واخرة , ساعدنا عشان مصر تنضف لأنها مش هتنضف غير بإيدينا احنا.

وزي ماهنكتب عن الناس الي معندهاش انتماء لمصر ولكن انتمائها لأهدافها واجندتها ومصالحها الخاصة هنكتب وهنعرض بردو بنفس القوة والاصرار الناحية الايجابية والناس الوطنية الي ممكن نثق فيها ونسلمها رقبتنا ومستقبل اولادنا والاجيال الجاية عشان يمثلونا في مجلس النواب وانت بقي ليك حرية الاختيار.

بس افتكر انك لو قاطعت انتخابات مجلس النواب 2015 مش هتكون معفي من المسئولية لأن سلبيتك ومقاطعتك اقسم بالله هي الي هتوصل الارهابيين والفاسدين لمجلس النواب. انت عملت ثورة عظيمة في 30 يونية 2013 وعدلت دفة المركب, كمل جميلك بقى ياشعب ياعظيم ياجميل واختار طقم السفينة صح عشان السفينة تكمل رحلتها وتوصل بر وشط الامان بسلامة الله.

امسك اخوان الارهابية على قوايم حزب النور لانتخابات البرلمان المصري 2015

انتخابات البرلمان المصري 2015 297x300 امسك اخوان الارهابية على قوايم حزب النور لانتخابات البرلمان المصري 2015انتخابات البرلمان المصري او مجلس النواب على الابواب. وطبعا لازم نشدد على اهمية اننا جميعا كمواطنيين مصريين, سواء مقيمين في مصر او خارج مصر, لازم نشارك بصوتنا في االانتخابات ونختار صح ونتجنب اخطاء الماضي الفادحة الي كلفتنا دم وعمر اولادنا وعرضت امننا القومي لخطر وتهديدات في الداخل والخارج.

ولازم نفتكر دايما الي حصل من 25 يناير 2011 حتى اللحظة, عشان نتأكد ونذكر انفسنا ان الشعب المصري هو لوحده الي يقدر بحسن اختياره وقراره الصح يبني مصر وهو بردو الي يقدر بسوء اختياره وقراره الخاطيء انه يتسبب بشكل مباشر واساسي في هدم مصر وانهيارها بشكل كامل لو اتصرف بسلبية وقاطع الانتخابات او اساء الاختيار.

معظمنا معندوش ادني فكرة عن مين هي الاحزاب المصرية يعني اسمائها او عددها او تكوينها واتجاهاتها اونشاطاتها الي اخره وده راجع الي ان الاحزاب المصرية ضعيفة ومفيش لها اي وجود في الشارع وللأسف دايما مشغولة في صراعات في داخل الحزب الواحد ومع الاحزاب الاخري بدل ماتشغل نفسها بالمساهمة في حل مشاكل مصر والمصريين. في الاول كان حجتهم الي بيعلقوا عليها فشلهم, ان نظام الريس مبارك كان بيمارس عليه استبداد وقمع وان ده كان سبب عدم وجودهم في الشارع. طيب بعد التنحي من 11 فبراير 2011 لغاية اللحظة دي ايه حجتهم في انهم ليسه ملهمش وجود؟ ماالساحة مفتوحة لهم ولغيرهم والشارع يتسع للجميع, هما فين بقي؟ هما زي ما قلت مشغولين بنفسهم وبصراعاتهم الداخلية وبالمزايدة على غيرهم من الاحزاب المنافسة اكتر من اي حاجة تانية.

ولكن بالرغم من كل ده, مينفعش ابدا اننا ناخد موضوع ضعف وفشل الاحزاب في مصر كمبرر في اننا نمتنع عن التصويت في الانتخابات او نكبر دماغنا عشان مش لاقيين حد يستاهل يمثلنا في البرلمان المصري القادم. لازم نبذل مجهود وندور ونسأل عن افضل المرشحين سواء الافراد او قوايم الاحزاب الي ممكن نثق فيهم في تمثيلنا في مجلس النواب.

لازم نضع في اعتبارنا ان زي مافيه كتير من المرشحين او النواب الفشلة المصلحجية الي مستقتلين على دخول البرلمان عشان المنظرة والحصانة والمحسوبية وخدمة مصالحهم الخاصة, فيه كمان مرشحين ونواب وطنيين وهدفهم مصلحة مصر والمصريين.

خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 258x300 امسك اخوان الارهابية على قوايم حزب النور لانتخابات البرلمان المصري 2015
خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 احفظ الاسم والشكل كويس

احنا بقى كشعب دورنا مهم جدا اننا نوصل المرشحين الوطنيين لمجلس النواب عشان اذا معملناش كده, وقاطعنا الانتخابات مثلا, يبقى صدقني احنا بنقدم مصر على طبق من ماس لجماعة الاخوان الارهابية وخلاياها النايمة. وكمان بنيدي فرصة للإدارة الامريكية الوقحة الي بتدخل في شئوننا الداخلية ودول زي تركيا وقطر الارهابية وغيرها انهم مش بس يزرعوا بذرة الاخوان الشيطانية في مجلس النواب مرة تانية ولكن كمان كعهد سياساتهم الخارجية القذرة يزرعوا معهم البديل الي لا يقل قبحا وارهابا عن جماعة الاخوان وهم جماعات اخري متأسلمين وبيدعوا انهم بيمارسوا السياسة والديمقراطية وهما في الحقيقة بيتاجروا بالدين للوصول لاهدافهم الحقيقية. رجوع الاخوان للسلطة في ايدي وايدك احنا الي ممكن نرجعهم للسلطة سواء عن عمد او جهل واحنا بردو الي ممكن نمنعهم من خطف السلطة مرة تانية.

وخلي بالك لما بنقول رجوع جماعة الاخوان للسلطة مرة تانية او خلاياها النايمة او المتأسلمين او المنافقين تجار الدين معناه بردو ان جماعات تانية بمختلف اسمائها هي الي ممكن اوي تحكم مصر, الاخوان هي جماعة انصار بيت المقدس وهي داعش وهى كل تنظيم او جماعة ارهابية او حتى حزب تحت غطاء الدين او بيتاجر بالدين واللهي كلهم من رحم واحد مع اختلاف الاسماء.

بص حواليك على الشعوب المشردة الي بتهرب من الدبح والحرق والدمار وانت تعرف مصيرنا هيكون ايه لو انت ساهمت في وصول الاخوان او اذنابهم مرة تانية للسلطة. اوعي تفتكر ان الاخوان هيسيبوا اي فرصة عشان يوصلوا للحكم مرة تانية بكل الطرق المشروعة والغير المشروعة ولو ده حصل هتبقى انا وانت ساهمنا فيه بشكل اساسي لو مخترناش نواب البرلمان المصري القادم صح وبحذر شديد.

في 4 سبتمبر 2015 كشفت جريدة البوابة نيوز الاليكترونية عن اسماء بعض مرشحين جماعة الاخوان الارهابية على قوايم حزب النور واخد لي بالك “حزب النور” مطلوب منك تحفظ الاسماء واشكالها ان وجدت زي عينيك عشان لما تدلي بصوتك يروح للنائب الصح مش النائب الارهابي الي مش بس هيدخل البرلمان بطوله وعرضه لا ده كمان هياخد حصانة برلمانية. احنا عاوزين نبني ونكبر مصر ونكبر معها, مش هنفضل مقضيين عمرنا ثورات بقي. احنا قدها ايوة مفيش كلام ولكن عاوزين نبني ونأسس صح ونستقر عشان حالنا ينصلح.

الخبر بيقول ان اخوان منشقون كشفت للـ«البوابة نيوز» أن جماعة الاخوان الإرهابية، تستعد للدفع بـ٢٥٠ عضوا من الصف الرابع والخامس لخوض الانتخابات البرلمانية بكل محافظات الجمهورية، وانهم هيترشحوا علي قوايم حزب النور السلفي وان فيه اجتماعات سرية لبحث تحركاتهم في الفترة المقبلة.

وحصلت «البوابة» على أسماء بعض هؤلاء المرشحين، وهم كالتالي:

مرشحين جماعة الاخوان الارهابية في محافظة الإسكندرية على قوايم حزب النور السلفي:

مصطفى صبحى محمد في دايرة محرم بك

السيد محمد شوقي في دايرة مينا البصل او في دايرة الدخيلة

محمد عبد الدايم او اشرف محمود عبد الدايم في دايرة الدخيلة

عصام محمود محمد في دايرة العامرية

مرشحين جماعة الاخوان الارهابية في محافظات الصعيد عن دايرة شمال ووسط وجنوب الصعيد على قوايم حزب النور السلفي:

علاء الدين عبد اللطيف

أحمد حامد عبدالعال

عبدالمنعم محمد عبدالعليم

محمد محروس أحمد

قدرية حافظ يوسف

إيمان على على إبراهيم

مجدى غالي

سعاد غالى

حنان سعد حليم أحمد إبراهيم

نادية عباس رشاد

دعاء عبدالعاطى محمد

ولاء على محمد

منال عصام عزت

آمال رمضان عبدالحميد

خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 258x300 امسك اخوان الارهابية على قوايم حزب النور لانتخابات البرلمان المصري 2015

خالد عادل عبد الحليم حسين والي من جماعة الاخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 احفظ الاسم والشكل كويس

بالاضافة الي ان جماعة الاخوان الارهابية بتدعم الدكتور محمد مصطفى الفقي، المرشح فى الانتخابات عن دائرة طنطا والشخص ده كان عقد مع الجماعة صفقات فى مجلس شعب الجماعة الارهابية في٢٠١٢، وفضلته على الشيخ سيد عسكر، أحد قيادات الإخوانى.

واسم ياريت تفتكره كويس بردو عمرو عماد العمدة، المترشح عن حزب «النور» بالجيزة، والشخص ده كان أحد الداعين إلى أحداث رمسيس الدموية.

اوعي تبيع نفسك بشوال سكر او كام ازازة زيت او اي مبلغ ممكن يتم اغرائك بيه واعرف انك لو قبلت رشوة حتى لو كنت محتاج مش هتلحق تطفحها ولا حتي بالسم الهاري لأنهم لو وصلوا للحكم تاني اول رقبة هيقطعوها هي رقبتك يعني مش هتلحق حتى تهضم اللقمة الحرام.