احذروا يامصريين الفتن والاشاعات في الفترة دي على وجه الخصوص

اللهم اجعل هذا البلد امنا 300x180 احذروا يامصريين الفتن والاشاعات في الفترة دي على وجه الخصوصاحذروا يامصريين الفتن والاشاعات في الفترة دي على وجه الخصوص. الي فات شيء والقادم شيء تاني يحتاج منا دايما الحيطة والحذر والضرب بيد من حديد على كل من تسول له نفسه محاولة زعزعة امن مصر القومي ووحدتها ووحدة صف وقوة جيشها.

اوعوا ابدا تتصوروا ان حكومات الغرب الي استعمرت بلادنا في الماضي انتهت ومعدشي لها وجود وان الوضع اتغير على مستوي السياسة الخارجية او ان الغرب واقف جنبنا لأنه مؤمن بينا وبارادتنا الشعبية. كل ده كلام فارغ, الاستعمار بيغير جلده زي الحرباية.

دلوقتي مش زي زمان, الاستعمار زمان كان ارحم من دلوقتي على الاقل كنا بنعرف عدونا من صوته وشكله, اما دلوقتي اعدائنا موجودين في كل مكان جوا مصر وبره مصر ومش عرفين شكلهم ولا الضربة هتيجي منين.

المصالح بس هي الي بتفرض سياسات معينة على تعامل الدول مع بعضها. لكن الحقيقة اذا كانت فيه اي فرصة لتدمير مصر, وطرفنا طرفة عين واحدة هيضربنا اعدائنا في مقتل وبدون اي تردد. مش مصدق؟ متصدقش بس قبل ماتقول مش مصدق بص بعنيك قريب منك اوي ومش بعيد عنك ابدا وقولي العراق وليبيا وسوريا واليمن حصل فيهم ايه؟ والمحاولات المستميتة لإسقاط مصر ممكن تقولي بتحصل ليه؟ وبعدين ابقى قول اني ببالغ وانك مش مصدق.

حاليا واكتر من اي وقت فات فيه حملات نشطة جدا وبكثافة داخل مصر وخارج مصر وهي مش مجرد افراد ولا شغل عشوائي, هي في الحقيقة شبكات متصلة ببعضها بره مصر وجوا مصر. انتم تعرفوهم كويس بتوع حقوق الانسان والنشطاء والحقوقيين والسياسيين ومجموعات كل شوية تخرج علينا تدعي انها كتائب التحرير ويزعموا انهم ظباط منشقين عن جيش مصر وفيديوهات وصور بلبس الجيش او الشرطة على شوية مراسلين اجانب في مصر ومراكز ابحاث خارجية  على مجموعات العمل ضد مصر على جماعة الاخوان الارهابية والمرتزقة الي بيشتغلوا لحسابهم, على ناس مسمية نفسها داعش وانصار بيت المقدس وكل الاسماء دي كلها على بعضها حاجة واحدة هما في كلمة واحدة “عدو مصر” والعدو ده هدفه الوحيد هو اسقاط مصر بأي شكل من الاشكال .

والي متابع ومذاكر تاريخ كويس, افتح الشباك وطل على سوريا وليبيا والعراق, وانت هتعرف ان اعداء مصر بإختلاف اسمائهم عاوزين يخربوا مصر ويفككوها وطبعا ده عمره ماهيحصل طول ما مصر فيها جيش قوي وشعب واعي مدرك تماما للي بيحاك ضده والي بيحصل حواليه في المنطقة.

لكن خلي بالك,  اعدائك مش بيعتمدوا على القنابل والاسلحة عشان يسقطوا مصر, ولكن بيعتمدوا على سلاح اقوي من القنابل والقوة العسكرية وهو الانترنت ووسائل الاعلام المختلفة. وبينشروا اخبار كتير اوي عن مصر وبكثافة. لدرجة ان الكتير من مجموعات العمل ضد مصر في الخارج بما فيهم منظمات حقوق الانسان العالمية بالتنسيق مع اذنابهم في الداخل بيدفعوا فلوس كتير اوي في اعلانات مدفوعة على الانترنت مخصوصة عن الي بيقولوا عليه الانقلاب العسكري وانتهاك حقوق الانسان في مصر والقمع والقتل والاعتقالات في مصر. بيدفعوا ميزانيات ضخمة يوميا على نشراعلانات تشويه لسمعة مصر في اول صفحة عشان جنابك وغيرك في العالم كله يقراها.

  طبعا عشان بيحاولوا بإستماتة يوصلوا لك الانطباع ان مصر رايحة في داهية ومن سيء لأسوأ وان الارهاب منتشر وان فيه انشقاق في الجيش المصري وانقلاب على النظام وان الشرطة المصرية ماهي الا جهاز فاسد قمعي يخدم النظام المستبد في حكمه وحملات تشويه مصر في كل شيء حتى الايجابيات الي مش بيتكلموا عنها وبيسفهوا كل امر ايجابي بيحصل في مصر وكل الكلام الي انت عرفه ده واكتر منه كمان. وخد بالك ان ده بالظبط الي دمر سوريا, الي دمر سوريا مش الاسلحة ولا الجماعات المسلحة الارهابية, ولكن الي دمرها هي في الحقيقة الحرب النفسية عن طريق اطلاق ونشر الاشاعات والاكاذيب. وكلنا شوفنا نتيجة ده كان ايه.

اذا عملت مقارنة بسيطة مابين الي بينشره الاخوان ووسائل الاعلام المختلفة الاخوانية وطابورهم الخامس جوا وبره مصر و حملات الكلاب المسعورة من الاعلام الاجنبي وعلى الاخص الامريكي ومرتزقة المراسلين والصحفيين الاجانب الي عايشين بيتنفسوا هوا مصر وبياكلوا من خيرها وبيسترزقوا من الحياة على ارضها بالاضافة طبعا لبتوع حقوق الانسان في الداخل والخارج مش هتلاقي فرق ابدا بينهم. مفيش فرق ابدا لا في التوقيت الي بيستخدموه لنشر سمومهم ولافي الادوات الي بيستخدموها ولا حتى فيه اختلاف في الاهداف.

طيب ليه كل ده بيحصل وبكثافة في التوقيت ده بالذات ؟ 

لأسباب مختلفة واهمها:

لأن ياسيدي مصربتسعى للحصول على دعم جميع الدول الأعضاء في الأمم المتحدة في ترشحها للعضوية غير الدائمة في مجلس الأمن عن المجموعة الإفريقية وذلك عن الفترة 2016-2017 خلال الانتخابات التي ستنعقد في الجمعية العامة في أكتوبر 2015. طبعا لو مصر حصلت على العضوية ده هيزعل ناس كتير اوي جوا مصر وبره مصر. والناس دي مش عاوزة ده يحصل من اساسه. يقوموا يعملوا ايه؟ يشوهوا سمعة مصر في التوقيت ده بالذات لأن ده اسهل طريق لتدمير اي بلد هو تشويه سمعتها بكل الطرق الممكنة والغير ممكنة.

وفكر شوية وشغل مخك كده بردو لو انت متابع جيد للأحداث…افتكر معايا اي مرة وحيدة مصر حصل فيها اي ايجابيات او مشاريع او استثمارات او مثلا اقرب حاجة زي مشروع قناة السويس الجديدة…لو سعادتك قريت اخبار مصر في الصحف الاجنبية وعلى الاخص الامريكية هتلاقيهم مش كاتبين اي حاجة تفرق كتير عن الي بيكتبه جماعة الاخوان الارهابية.

هي مصر لما تنجح او تخطي خطوة واحدة للأمام وتوقف على رجليها, هل ده هيسعد اعدائها الي عاوزين يدمروها؟ لما تقرا كلامهم على رئيس مصر عبد الفتاح السيسي واللهي العظيم تحس وكأن امهم كانت بترضعهم كره وحقد وكأن السيسي ده مش رئيس مصر ولكن كان جوز امهم المتوحش الي كان بيمدهم على رجليهم وهما صغيرين.

ولو عاوز تعرف ليه بيكرهوا السيسي ونفسهم ومني عينيهم انه يختفي من على وجه الارض, ارجع لفترة جمال عبد الناصر وحط اخبار مصر في الصحافة الاجنبية ايامها واخبار مصر في الصحافة الاجنبية في 2015 لو لقيت اي فرق مابين فترة عبد الناصر وعهد السيسي في الشتايم والاهانات والاتهامات وقلة الادب والسفالة والتدخل السافر في شؤون مصر الداخلية وتشويه سمعة رئيس الدولة والدولة, ابقى تعالي قول لي اني بقول كلام فارغ.

غير بقى موضوع عضوية مصر في مجلس الامن, مينفعش يعني مصر توقف على رجليها وتعمل مشروع زي قناة السويس الجديدة والاحوال تتحسن شوية شوية ومينفعش ان يكون فيه اي ايجابيات وطبعا مينفعش ابدا ومرفوض تماما ان يكون فيه رضاء او استحسان شعبي تجاه نظام الدولة. لازم وحتما ولابد مصر تولع نار والنار تاكلها وتاكل الي عليها لغاية ماتبقى رماد. ومينفعش يقولوا الحقيقة ان مصر ناجحة في مكافحة الارهاب وعلى الاخص من خلال الكم الهائل من ضربات الامن والجيش الاستباقية بالمقارنة مع عدد العمليات الارهابية البدائية او الفاشلة , مصر في الحقيقة ناجحة في مكافحة الارهاب واي متابع جيد لعمليات الجيش والشرطة هيتأكد من النجاح ده. لكن العدو واذنابه بينشروا ان مصر رايحة في داهية وكأنهم بيتكلموا عن الاحداث الي بتحصل في سوريا مثلا او العراق … العدو مش هايهبط ولا هايتهد الا لما يتحقق المراد الي أفشله الشعب المصري  في 30 يونية 2013.

عرفت الاسباب, طيب هنعمل ايه في مواجهة كل المؤامرات القذرة دي؟

شوف اذا انت من الناس الي عايمة في مية البطيخ, يعني منفض دماغك يبقى خليك عايم وان شالله تغرق.

لكن لو انت من الناس الي بتحب البلد دي زي الاب والام بيحبوا ضناهم ويخافوا عليه ويموتوا فدي ضناهم لو لزم الامر, اولا لازم تفتح عينيك كويس اوي لكل حاجة بتحصل حواليك. يعني اي حاجة تشوفها مريبة او غلط او حد اشتبهت فيه انه بيعمل او بيدبر لعمل ارهابي او اجرامي حتى لو كان ابوك او اخوك, اعرف انك لو مبلغتش عنه الجهات المختصة وخوفت او اترددت حقيقي متلومش غير نفسك ساعتها. الحرب الي احنا فيها دي حرب وجود يابني ادم يعني مسألة حياة او موت يعني يااحنا يا الارهاب … تختار ايه بقى؟ انت حر.

واذا انت نشط على مواقع التواصل الاجتماعي وبتتكلم في السياسة اشتغل صح بقى. وانت بتعبر عن رأيك متنساش وحياتك وانت عامل فيها خبير استيراتيجي وسياسي واجتماعي واقتصادي وامني, ان لو عندك انتماء لبلدك دافع عنها باستماتة ضد الألسنة المغرضة الي بتنشر اشاعات وبتشوه سمعة بلدك.

يعني سعادتك مثلا  بتعرف عربي ولو بتعرف للغات اكتب الحقيقة وبلاش تساهم في نشر اخبار عن مصر قبل ماتتحري دقتها وصحتها ومصادرها…خلي بالك كويس اوي ان كل كلمة بتكتبها مرصودة وبتتحسب عليك. يعني انت لو نشرت او ساهمت في تسويق خبر انت مش عارف اذا كان حقيقي او لأ والخبر ده كان الهدف منه تسويق اخبار مثلا للتشكيك في قوة جيش بلدك في حربه ضد الارهاب او في اي معلومة او خبر الغرض منه بيكون تسويق اخبار معينة كاذبة عن مصر لهدف ما, انت في الحقيقة بتساهم بشكل كبير في نشر الاكاذيب وبث الخوف والقلق في نفوس الناس الي بيقروا الخبر ده من خلالك ومن ناس تانية.

اوعي ابدا تقرا او تسمع اخبار كدب عن بلدك وتعديها مرور الكرام  واذا انت مش قادر ترد بلغ عن الي بينشر الاكاذيب وبيبث الفتن والاشاعات في مصر.

مصر في حالة حرب شرسة مفيش فيها اي رحمة ومن كل الاتجاهات واعرف بدون ادني شك ان كل مامصر تحقق نجاح في اي مجال او تخطي خطوة ايجابية للأمام الحرب عليها هتزيد ومش هتتراجع ولا هتقل والاشاعات هتكون اكتر.

هل انت هتكون في صف بلدك وتخليها تمد خطوة ورا خطوة رغم كل الصعوبات والتحديات ولا هتهدها وتحط ايدك في ايد الي عاوزين يدمروها حتى لو كنت مش متعمد ده وبتعمله من غلبك وخنقتك وقلة صبرك؟ خلي بالك احنا في حرب حقيقية حرب جديدة من نوع مختلف مش بتعتمد على الاسلحة ولكن بتعتمد على تسويق اخبار معينة في توقيت معين بأدوات معينة من شبكات ومجموعات معينة وبيعملوا لها تسويق باللغات مختلفة لتقليب وقلب الرأي العام العالمي ضد مصر.

سيب الناحية الامنية للجهات الامنية لكن انت كمواطن عليك دور مهم انك تساعد الجهات الامنية اذا توافرت ليك معلومات ممكن تشوف انها تشكل خطر على امن مصر القومي او بتهدد امن وامان الناس في مصر.

كل المطلوب منك تدافع عن بلدك ولو بكلمة واحدة

كل المطلوب منك تساند بلدك وتحميها وتسترها, استرها يا مصري واوعي توقف تتفرج عليها واعداءها بيحاولوا يعروها ويفرجوا عليها العالم

كل المطلوب منك تدرك كم المؤامرات القذرة الي بتدور حوالينا والاكاذيب وحرب الاشاعات وتدفنها مكانها

كل المطلوب منك انك لاتسمح ابدا لأي انسان مهما كان مركزه او هويته انه يكون عايش في بلدك وبياكل من خيرها وبيتنفس هواها وفي نفس الوقت هو بيسترزق من المشاركة في تدميرها وخرابها وبيشتم فيها وبيشتم فيك انت شخصيا لليل نهار وبينقل عن بلدك صورة مشوهة غير حقيقية وصدقني هما في الحقيقة بيستخفوا بالشعب المصري وبيحطوا من قدره و بيصوروه للعالم كأنه شعب عبيد ذليل ومتخلف,يعني الاغراب بياكلوا من خيرك ومن خير ارضك وبيشتموا فيك وبيهينوك عشان ده باب رزقهم الحقيقي.

كل المطلوب منك انك تكون ايجابي بالكلمة يااخي, في نفس الوقت الي فيه جندي شرطة وجيش وجنود مجهولة بتبذل كل وقتها وجهدها ودمها وعمرها وبتعرض نفسها للخطر طول الوقت وبتفتح صدرها للرصاص وبتموت عشان انت تعيش, كل دول ميستهلوش منك كلمة واحدة,  كلمة تخرس بيها السنة الشياطين؟

كل المطلوب منك انك تعمل واجباتك بس الي عليك تجاه بلدك وهي في حالة حــــــــــــــــــرب, ساندها  في وقت الحرب لأنك لو هاجمتها او شاركت في تشويه سمعتها في وقت الحرب في الحقيقة انت هتكون في الحالة دي في صف الخونة والاعداء ولا تستحق ساعتها ابدا جنسيتك المصرية وياريت لو ده هيكون شعورك تجاه مصر اقلع ملط وعري نفسك يعني اتنازل عن الجنسية المصرية وريحنا من قرفك وروح بيع نفسك لأي بلد تانية ده لو لقيت بلد تلمك او ترضي بيك اصلا. الي يبيع بلده يبيع اي حاجة بقى.

مفيش اي قوة في العالم كله ممكن تهزم مصر ولا شعبها ولا جيشها في الحرب القذرة دي الا حاجة واحدة بس وهي السلاح الي بيحاول اعداء مصر يحاربوها بيه بإستماتة وهو محاولة تفكيك وحدة مصر. نقول كمان؟ محاولة تفكيك وحدة مصر…لو اتفككت الوحدة دي في الشعب مابين مسلمين ومسيحيين او في داخل المؤسسة الواحدة, ضاعت مصر…امتي ينجحوا في ده وبمساعدة مين؟ هينجحوا فيه في الوقت الي الناس في مصر تصدق الاشاعات والخوف والذعر يتملك منها, ولو ده حصل هيكون بإيدينا احنا مش بإيدين اعدائنا واحنا كمان الي هنختار التوقيت….خلوا بالكم بلاش تكونوا السلاح الاعمي الي يحاربنا بيه اعدائنا.

ونقول كمان وكمان احذروا يامصريين من الفتن والاشاعات في الفترة دي على وجه الخصوص وحاربوها بكل مااوتيتم من قوة يعني بالبلدي كده ادفنوها في مكانها.

الا هل بلغت, اللهم فاشهد

ايمان نبيه

مصرية وافتخر

تقرير عن مكافحة الارهاب في سيناء من 25 اكتوبر 2014 إلي 30 إبريل 2015

Egypt 300x300 تقرير عن مكافحة الارهاب في سيناء من 25 اكتوبر 2014 إلي 30 إبريل 2015السبت الموافق 09 مايو 2015, نشرت وزارة الدفاع المصرية على موقعها في صفحة البيانات الاعلامية, تقريرا يوضح جهود القوات المسلحة المصرية في مكافحة الارهاب في سيناء من الفترة 25 اكتوبر 2014 الي 30 ابريل 2015 وبيانها كالتالي:

عناصر ارهابية تم تصفيتها في مواجهات مع عناصر قوات التأمين

قتل وتصفية عدد ( 725 ) فرد إرهابى و أبرزهم:

(1) الإرهابى / مصطفى مزيج فريد .

(2) الإرهابى / خليل أبو دراع .

(3) الإرهابى / حسين سالمان محمد عودة أبو حلو .

(4) الإرهابى / توفيق عواد سليمان حسن معيوف أبو صبيع .

(5) الإرهابى / يوسف موسى إمليجى زراع .

(6) الإرهابى / سمير إبراهيم مطلق .

(7) الإرهابى / أحمد سليمان عود الله حماد .

(8) الإرهابى / سعد محمود حماد حسين .

(9) الإرهابى / مبارك إسماعيل مبارك .

(10) الإرهابى/ فايز مغاطيس فواص .

(11) الإرهابى / جميل زريعى .

(12) الإرهابى / أشرف موسى زريعى .

(13) الإرهابى / سيلمان عياد عطية سيلمان .

Waleed Nasr Alla most dangerous terrorist element killed in Sinai by Egyptian security forces in 2015 300x211 تقرير عن مكافحة الارهاب في سيناء من 25 اكتوبر 2014 إلي 30 إبريل 2015أعداد العناصر المشتبه بها والتى تم إلقاء القبض عليها

• تم إلقاء القبض على عدد ( 1873 ) فرد مشتبه به خلال أعمال قوات التأمين المختلفة، وتم تحويلهم إلى جهات التحقيق لاتخاذ الإجراءات القانونية حيالهم .

إجمالى أعداد العناصر المطلوبة أمنيًا والتى تم إلقاء القبض عليها 

• تم إلقاء القبض على عدد ( 206 ) فرد مطلوب أمنيًا خلال أعمال المداهمات والأكمنة، وتم تحويلهم إلى جهات التحقيق لاتخاذ الإجراءات القانونية حيالهم .

وكان أبرزهم:

(1) الإرهابى / جمال محمد إمام .

(2) الإرهابى / محمد سلمى عبد الرازق .

(3) الإرهابى / أشرف موسى إبراهيم الزريعى .

(4) الإرهابى / فارس نايف سالم مصلح .

(5) الإرهابى / عبد الستار سلام عقل حمدان .

(6) الإرهابى / عماد يوسف زريعى سلمى الحمادين.

(7) الإرهابى / جمعة سالمان سالم العرجانى.

(8) الإرهابى / عواد رضوان غانم حسن.

إجمالى أعداد العربات التى تستخدم فى تنفيذ أعمال عدائية ضد عناصر قوات التأمين والتى تم ضبطها أو تدميرها Abd Elaziz Abu Felyan terrorist element killed by egyptian army forces May 2015 in Sinai‬ 300x240 تقرير عن مكافحة الارهاب في سيناء من 25 اكتوبر 2014 إلي 30 إبريل 2015

• تم تدمير عدد ( 591 ) عربة أنواع مختلفة بدون لوحات معدنية أثناء أعمال المداهمات والمطاردات والتأمين .

إجمالى أعداد الدراجات النارية التى تستخدم فى تنفيذ أعمال عدائية ضد عناصر قوات التأمين والتى تم ضبطها أو تدميرها 

• تم تدمير عدد ( 1447 ) دراجة نارية بدون لوحات معدنية أثناء أعمال المداهمات والمطاردات والتأمين .

إجمالى بأعداد مقرات ومناطق تجمع العناصر الإرهابية التى تم تدميرها 

• تم تدمير عدد ( 1823 ) مقر للعناصر الإرهابية أثناء أعمال المداهمات وتشمل تلك المقرات (مخابئ تحت الأرض – خنادق – عشش – خيام – منازل مهجورة) .

أبرز المواد المتفجرة والعبوات الناسفة التى تم ضبطها والتعامل معها

1- المواد شديدة الانفجار والألغام الأرضية:

• عدد ( 35 ) شيكارة من مادة C4 المتفجرة .

• عدد ( 10 ) شيكارة من مادة T.N.T المتفجرة .

• عدد ( 6 ) شيكارة من مادة الأنفو المتفجرة .

• كمية ( 1.5 ) طن من مادتى ( النشادر – الأمونيوم ) اللتين تستخدمان فى صناعة المتفجرات .

• عدد ( 30 ) لغم أرضى (مضاد للدبابات والأفراد) .

Terrorist element Ahmed Barhoum killed in Sinai by Egyptian army in May 2015‬ 300x206 تقرير عن مكافحة الارهاب في سيناء من 25 اكتوبر 2014 إلي 30 إبريل 20152- العبوات الناسفة ودوائر النسف التى تم ضبطها أو تفجيرها بنيران القوات:

• ضبط عدد ( 10 ) دوائر نسف وعدد ( 28 ) عبوة ناسفة وتفجير عدد ( 108 ) عبوة ناسفة بنيران القوات والتى تم زرعها بواسطة العناصر الإرهابية لاستهداف القوات أثناء إدارة أعمال القتال .

3- العربات المفخخة التى تم التعامل معها بنيران القوات:

• تم التعامل مع عدد ( 8 ) عربة تم تفخيخها بواسطة العناصر الإرهابية من بينها عدد من العربات الحكومية المبلغ بسرقتها (عربات إسعاف – عربات نظافة) .

أبرز الأسلحة الخفيفة والثقيلة والذخائر التى تم ضبطها

1- الأسلحة الثقيلة :

• عدد ( 6 ) قاذف هاون بأعيرة مختلفة .

• عدد ( 6 ) أنواع مختلفة من الصواريخ .

• مدفع مضاد للطائرات .

Terrorists smuggled weapons seized by Egyptian security forces April 2015 300x218 تقرير عن مكافحة الارهاب في سيناء من 25 اكتوبر 2014 إلي 30 إبريل 20152- الأسلحة الخفيفة والقنابل اليدوية والدفاعية والحارقة والأحزمة الناسفة :

• عدد ( 164 ) قطعة سلاح مختلفة الأعيرة .

• عدد ( 19 ) قنبلة يدوية ودفاعية وحارقة .

• عدد ( 12 ) حزام ناسف .

3- الذخائر الثقيلة والخفيفة :

• عدد ( 95 ) بمبة هاون من مختلف الأعيرة .

• عدد ( 104 ) دانة مدفعية من مختلف الأعيرة .

• عدد ( 4 ) قذيفة (RBG) .

• عدد ( 80927 ) طلقة من مختلف الأعيرة .

C4 high explosive materials used in manufacturing explosive devices and blasting vehicles seized by security forces in Allfatat school in Sinai 9 april 2015‬ 300x225 تقرير عن مكافحة الارهاب في سيناء من 25 اكتوبر 2014 إلي 30 إبريل 2015

Anti Tank mines used by terrorists in Sinai seized by Egyptian army in sinai April 2015‬ 300x226 تقرير عن مكافحة الارهاب في سيناء من 25 اكتوبر 2014 إلي 30 إبريل 2015

قال الله تعالى:{إِنَّمَا جَزَاء الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيم.

اللهم احفظ مصر من كيد كل متكبر فاجرمفسد في الارض, اللهم رد كيد اعداء مصر في نحورهم واجعل تدبيرهم في تدميرهم

#تحيا_مصر

مصادر اخري لهذا التقرير: الصفحة الرسمية للمتحدث العسكري للقوات المسلحة المصرية