عزيزي الثائرالنطع لحظة من فضلك

نشطاء السبوبة في مصر 224x300 عزيزي الثائرالنطع لحظة من فضلكشرف ايه وعرض ايه الي انت جاي تقول عليه؟

انت ياعديم الشرف والرجولة والوطنية الي هتنزل يوم الجمعة تدافع عن شرف وعرض وتراب مصر؟

طب انزل دافع الاول عن شرفك وعرضك انت شخصيا, الي بعته رخيص بتراب الارض للغرب وبعدين تعالي نتكلم عن معني الشرف والعرض

مش مصر دي الي انت سميتها “ماسر”

مش شعب مصر ده الي بتقول عليه متخلف و عبد ذليل وجاهل وشحات

مش تراب مصر ده ورملها وحدودها الي انت بعته 90 مليون مرة قبل كده , مرة للارهابيين ومرة للغرب ومرة للي يدفع اكتر وكله في مزاد علني وعلى عينك ياتاجر

مش مصر دي الي انت بتستعدي الغرب عليها عشان يفرضوا عليها عقوبات ويدمروها ويجوعوا شعبها

مش مصر دي الي انت شهرت بيها في العالم كله وبعت رسايل للسياح ميجوش عشان بتعذب وتقتل الاجانب

مش هي دي بردو مصر الي بتلعن العيشة فيها لليل ونهار وبتحول كل فرحة فيها لميتم وسواد وبتنشر سمومك في ودان الناس عشان تكرههم في عيشيتهم

مش مصر دي الي انت بتفرح وبتشمت فيها في ازماتها وفي مآتمها لما بتدفن كل يوم شهيد

مش هي دي مصر الي عمال توقع عرايض فيها للأمم المتحدة ومنظمات حقوق الانسان والاتحاد الاوروبي وغيرهم عشان تتحاكم دوليا ويتفرض عليها حصار دولي

طب انزل دور على شرفك المتهتك وعرضك المنتهك الي انت بعته في مزاد علني وبعدين ابقى دافع عنه ده لو لقيت فيه اي حيتة سليمة يعني

لو انت نازل عشان تورينا عرض قفاك ممكن يبقى اوقع يعني ومنطقي جدا, ولو ان انت من كتر وساخاتك مبقاش عندك قفا اصلا عشان تورينا عرضه

نصيحة انت بعت خلاص اهم حاجة كنت بتملكها, يبقي بيع ببيع بقى, روح اتلطع على بوابات اي سفارة من البلاد اياهم, ومرمغ راسك في التراب واعمل شوية مكياج ومونتاج الي انت شاطر فيه اوي

يمكن الغرب يرضي عنك ويدوا لك حق للجوء سياسي بس متنساش تأكد عليهم في “النفقة الشهرية”, احسن بعدين ينتهي بيك الامر متسول في شوارعهم وتاكل من الزبالة زي زمايلك الي سبقوك

ومتنساش اول ماتوصل ارض اسيادك تبقى تركع وتسجد وتبوس جزمهم وتاكل اللقمة الي هيرموا ها لك من فضلاتهم…

الجندي والظابط الي انت بتحرض على قتله واستباحة دمه وبتقول عليه عسكر ومرتزقة وبتتشفي في موته هو بس الي يتكلم عن الشرف والعرض لأنه صانهم وحماهم وبيدفع دمه كل يوم تمن عشان شرف وعرض امك والمدام واختك في مصر يفضل متصان…

وخلي بالك اوعي تفتكر ابدا انك لما تبيع نفسك للغرب هيحترموك حتى لو اظهروا لك عكس كده. الغرب بيحترم الي بيحترم نفسه والي يبيع بلده لأجنبي مالوش سعر ولاحتى في سوق العبيد….عرفت بقى مين هما العبيد.

اللهم احمي مصر من المصريين

امسك الطابور الخامس وخلايا الاخوان النايمة في انتخابات البرلمان المصري 2015 الجزء الاول

عمرو الزمر مرشح ناهيا وكرداسة من عائلة قتلة السادات ومناصري جماعة الاخوان الارهابية 251x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
عمرو الزمر مرشح ناهيا وكرداسة من عائلة قتلة السادات ومناصري جماعة الاخوان الارهابية

بالاضافة لما جاء في المقال المنشور بتاريخ 5 سبتمبر 2015 بعنوان امسك اخوان الارهابية على قوايم حزب النور لانتخابات البرلمان المصري 2015نشرت صفحة امسك حرامي برلمان على الفيس بوك الي هدفها توعية الناخبين من الادلاء بأصواتهم للجماعة الارهابية في انحاء مصر والي بتتستر تحت وجوه وخلايا نايمة مختلفة وطابور خامس التالي: (للانضمام لصفحة امسك حرامي برلمان, اضغط هنا)

اعلن عمرو الزمر، نجل عائلة الزمر الشهيرة في ناهيا وكرداسة، الي منها الثنائي عبود الزمر قاتل الرئيس الراحل محمد انور السادات وطارق الزمر من قيادات الجماعة الإسلامية، والمشاركين في قتل الرئيس الراحل محمد أنور السادات، مشاركته الرسمية في الانتخابات البرلمانية 2015 عن دائرة ناهيا وكرداسة. وهي بردو نفس العيلة الي ساندت جماعة الاخوان الارهابية والي منهم هربانين في قطر وبيحرضوا على القتل والعنف ونشر الفوضي واسقاط الدولة المصرية حتى اللحظة.

وأكد الزمرعلى تقديمه أوراقه للترشح في الانتخابات، وتم قبولها وإعطاؤه رمز التليفون كرمز انتخابي له، معلنا انه بدأ في الجلوس مع كبار عائلات ناهيا وكرداسة للتنسيق بشأن الانتخابات لكسب دعمهم، مشددا على أنه يعتبر مرشح الشباب الأول في الدائرة، وأوضح الزمر أن عائلته ستدعمه بكل قوة في الانتخابات ومش هتقاطعها زي ما ردد البعض. جدير بالذكر أن دائرة ناهيا وكرداسة تعتبر من الدوائر النارية نظرا لوجود أعداد كبيرة من أنصار جماعة الإخوان الإرهابية فيها.

طارق زيدان رئيس حزب الثورة المصرية والمتحدث باسم قائمة نداء مصر مرشح عن جنوب الصعيد 300x192 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
طارق زيدان رئيس حزب الثورة المصرية والمتحدث باسم قائمة نداء مصر مرشح عن جنوب الصعيد

مرشح تاني اسمه طارق زيدان رئيس حزب الثورة المصرية والمتحدث بإسم قائمة نداء مصر قدم اوراق ترشح القايمة عن جنوب الصعيد. طيب نفتكر مع بعض مين هو طارق زيدان؟ طارق زيدان من الناس الي اقتحمت مبني امن الدولة ايام هوجة اسقاط مؤسسات الدولة بعد احداث 25 يناير 2011. طارق زيدان بيقول انه لم يشارك في اقتحام مبني امن الدولة وانه على العكس تماما هو كان ضد اقتحام مبني امن الدولة. طيب الحقيقة فين ياتري هو كداب ولا صادق؟ مفيش دليل على الكلام ده غير للسان طارق زيدان نفسه وهو بيتكلم مع قناة الجزيرة بعد اقتحام مبني امن الدولة.

طيب نسمع ونشوف طارق زيدان الي بيقول انه لم يقتحم مبني امن الدولة وانه شاهد رئيسي ومش متهم وبيدعي الوطنية – طارق زيدان بيقول في الفيديو التالي مع قناة الجزيرة انه بفضل الله تم اقتحام مبني الظلم والطغيان لأمن الدولة وتعالت صيحات الله اكبر الله اكبر ضد الظلم والاستبداد وانه هو وناس تانية اخدوا اجهزة كمبيوتر وملفات من داخل امن الدولة. وانه بفضل الله تمكن هو واخرين من اقتحام المبني…وان ظباط امن الدولة الجبناء هربوا وده سهل الاقتحام ولما الست بتاعة الجزيرة قالت له ليه ياطارق اقتحمتوا ومالجئتوش للجهات الرسمية المختصة؟ قال لها مرشح البرلمان الوطني الي هيدخل البرلمان بحصانة كمان انهم مش بيثقوا في اي جهة في مصر!!! وخلي بالك من “انهم مش بيثقوا دي” هما مين بقى الله اعلم…هو ده طارق زيدان الي هيترشح في البرلمان ايه رأيك يامواطن؟…..هو ده طارق زيدان رئيس حزب الثورة المصرية في مصر وعامل قايمة نداء مصر داخلين بيها الانتخابات بقايمة عن جنوب الصعيد “هي دي الي صحيح تستحق تكبير بقى”

معلومة عل الماشي عن حزب طارق زيدان الي هيمثلك في البرلمان المصري ومن المفترض انه زي مابيقول دلوقتي انه بيساند مؤسسات الدولة الي اقتحمها وحاول هدمها واسقاطها زي امن الدولة ووزارة الداخلية كمان: حزب الثورة المصرية تأسس بعد  احداث العنف في ٢٥ يناير2011، ويرأسه طارق زيدان. و يضم ١١ ائتلافاً وحركةً سياسية، وأعلن عدم مشاركته في انتخابات مجلس الشعب ٢٠١١-٢٠١٢ احتجاجاً على عنف الداخلية. واخد بالك عنف الداخلية في 2011 و2012 مش عنف طابور 25 يناير الخامس ولا الاخوان.

محمد حافظ عطية الأشقر مرشح دائرة الجيزة مستقل  169x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
محمد حافظ عطية الأشقر مرشح دائرة الجيزة مستقل طابور خامس 6 ابريل وحركة كفاية

مرشح تالت محمد حافظ عطية الأشقر مرشح دائرة الجيزة مستقل رمز الساعة احد مؤسسى حركة كفاية وداعمى حركة شباب 6 ابريل ، ومرشح الطابور الخامس وهو احد الخلايا النائمة التى تقف خلف ترشحها جماعة الاخوان الارهابية لتكوين جبهة معارضة ضد حكم الرئيس عبد الفتاح السيسى لانه يمثل بالنسبة لوجهة نظرهم حكم العسكر الى بيرفضوه وعاوزين يسقطوه ويكسروا الجيش المصري وبيحرضوا ضده كمان

محمد حافظ عطية الأشقر مرشح دايرة الجيزة مستقل رمز الساعة احد كؤسسي حركة كفاية و6 ابريل خلايا نايمة اخوان وطابور خامس  300x160 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
محمد حافظ عطية الأشقر مرشح دايرة الجيزة مستقل رمز الساعة احد مؤسسي حركة كفاية و6 ابريل خلايا نايمة اخوان وطابور خامس
‏أشرف‬ أبو كاشيك الداعشي فردي مركز الدلنجات 223x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
‏أشرف‬ أبو كاشيك الداعشي فردي مركز الدلنجات

مرشح رابع كارثة من كوارث حزب النور اسمه اشرف محمود محارب ادريس. حزب النور اختار أشرف محمود محارب إدريس الشهير بـ أشرف أبو كاشيك؛ للترشح على مقعد الفردي بدائرة الدلنجات بمحافظة البحيرة في انتخابات مجلس النواب 2015 م. يذكر أن “إدريس” كان عضوًا في مجلس الشورى السابق عن حزب النور.

وعشان محدش يقول اننا بنسيء لسمعة حزب النور او بنحاول نشهر بيه. ادي الجمل وادي الجمال. مرشح حزب النور بيتكلم عن اخواتنا “النصاري” على حد تعبيره وموقفه من ترشحهم في الانتخابات هو بيتكلم عن ذاته ومحدش واللهي بيفتري عليه. اقرأ الي هو كتبه رأيه الشخصي في “النصاري” الي هما مصريين يعني بس هو مش بيقول عليهم مصريين بتاريخ 23 يناير 2015 على حسابه الشخصي على الفيس بوك وانا مش هعلق كتير بغير ده كارثة من كوارث حزب النور الي مش بيعترف بتحية علم بلده تفتكر يعني موقفه ايه من المصريين اقصد “النصاري” على حد تعبيرهم وتعبير مرشحهم الكارثة هتفهم بشكل واضح انه ممتعض جدا من ترشح النصاري لكن هو زي ماقال له السمع والطاعة لحزب النور الي هو شخصيا وضع دينه بين ايديهم “تكبيير بقي” سمع وطاعة بس شيلنا مرشد الاخوان وحطينا بداله مرشد حزب النور السلفي الي بردو السلفيين سواء في حزب النور او من الانصار مالهم الا السمع والطاعة وكمان بيقول لك انه حط دينه بين ايدين حزب النور ومش بين ايدين ربه الي بيعبده.

حزب النور اختار أشرف محمود محارب إدريس الشهير بـ أشرف أبو كاشيك‬ امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
حزب النور اختار أشرف محمود محارب إدريس الشهير بـ أشرف أبو كاشيك؛ للترشح على مقعد الفردي بدائرة الدلنجات بمحافظة البحيرة في انتخابات مجلس النواب 2015 م. وده رأي مرشح حزب النور السلفي في اخواتك المصريين قصدي “النصاري” على حد تعبيره
الحسيني ابو قمر بورسعيد 250x300 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
الحسيني ابو قمر بورسعيد

مرشح خامس الحسينى ابو قمر ” بورسعيد “ تورط الحسينى ابوقمر فى المجزرة التى وقعت اثناء مباراة الاهلى والمصرى المعروفة بمجزرة استاد بورسعيد التى دبرها القيادى الارهابى محمد البلتاجى بالاشتراك مع بعض القيادات معه فى الجماعة الارهابية بمعاونة الحسينى ابو قمر الذى اعتاد ان يأكل على كل الموائد. كانت شهادة أحد البلطجية الذين تم التحفظ عليهم من قبل النيابة العامة بداية لكشف النقاب عن حقيقة اللهو الخفى الذى يعمل لحساب الجماعة الارهابية واتباعها.
ولمن لا يعرف فالنائب السابق الحسينى ابوقمر هو أحد المقربين للمهندس احمد عز امين التنظيم بالحزب الوطنى والمشرف على اكبر فضيحة تزوير فى انتخابات البرلمان 2010 .
دخل الحسينى ابوقمر عالم السياسة والبرلمان لقربه من رجل الاعمال البورسعيدى جمال عمر الصديق المقرب لأبناء الرئيس الاسبق مبارك وقتها
خاض الحسينى انتخابات مجلس الشعب عام 2005 ونجح فى تسلق سلم الحزب الوطنى سريعا تحت مباركة من جمال مبارك الذى اختاره وكيلا للجنة الشباب بمجلس الشعب وسرعان ما انقلب عليه عقب احداث 25 يناير وركب الموجة زي غيره كتير وانضم الى صفوف الجماعة الارهابية فى شكل مستتر. اما عن سنوات ادائه تحت قبة البرلمان سابقا ,لم يسجل فيها موقفا واضحا تجاه قضية بعينها.

صلاح عبد المعبود حزب النور السلفي 300x173 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
صلاح عبد المعبود حزب النور السلفي

مرشح سادس المهندس صلاح عبد المعبود عضو الهيئة العليا ومجلس الشوري قيادي لحزب النور فردي عن بندر شبين الكوم – ماله بقى صلاح عبد المعبود؟ مالوش بس نفتكر مع بعض كده صلاح عبد المعبود في 2012 في مجلس شعب الاخوان ونفتكر بردو ان لولا الاخوان رفضوا يقسموا التورتة مع حزب النور وياخدوهم جنبهم على الكرسي لما كانوا في السلطة ماكانوش مسكوا العصاية من النص واخدوا الجانب الرابح لما التيار العام كان ضد الاخوان فقرر السلفيين وحزب النور انهم ينطوا من مركب الاخوان قبل ماتغرق وتغرقهم معهم. ارجوك افهم ان الفكرواحد. كل الي الاخوان بيعتنقوه من افكار, السلفيين اكتر منهم كمان واكتر تشددا بس هما مجتش لهم الفرصة ولو جت الفرصة هينقضوا و هياخدوا راحتهم ع الاخر, حزب النور وحزب الحرية والعدالة الاخواني الارهابي سابقا وجهين لعملة واحدة.

المهندس صلاح عبد المعبود في الفيديو التالي بيقول ايه على الملأ: بيقول ياريس مرسي يانور عينينا احنا ماسكين شباب حزب النور بالعافية عن الناس الي بيعارضوك والناس الي ضدك, ايدينا انت بس الاشارة ونجيبهم لك في شيكارة!!!! افتكرت يااخي المواطن ولا افكرك كمان نفس الجملة دي اتقالت لما حاصروا مدينة الانتاج الاعلامي ولما حاصروا المحكمة الدستورية العليا ولما حاصروا مبني امن الدولة….افكرك كمان ,

المهندس صلاح عبد المعبود الي قال الاخوان دول نور عينينا ومش مختلفين معهم نهائي الا في الآليات,عشان كده وجهت عنايتك وانتباهك ان الاخوان وحزب النور السلفي وجهان لعملة واحدة وبعدين الاخوان بقوا عيني فيهم وكوخه عليهم يا باشمهندس ….سبحان من يغير ولا يتغير وان لله في خلقه شئون صحيح.

نسمع صلاح عبد المقصود كده في الفيديو ده في حزب شوري الاخوان عشان محدش يقول اننا بنفتري عليه وبنشوه سمعتهم او صورتهم واللهي هما الي بيشوهوا صورتهم وسمعتهم بإيديهم. انعنش لك الذاكرة عشان التكرار بيعلم الشطار. اسمع صلاح عبد المقصود كل حاجة وعكسها. واللهي مفيش على مصر اخطر من الناس المتلونة الي معندهاش مبدأ ثابت, تركب الموجة ايا كانت حتى لو كانت موجة ارهابية لإسقاط مصر ومؤسساتها.

وعشان نبقي منصفين وملتزمين بالمصداقية والصدق, الموقع ده منذ انشاؤه في كل الي تم نشره لا يفتري على الله كذبا ولا يهاجم اي شخص او جماعة او حزب الي اخره لاكذبا ولاتضليلا, ولكن كل الي بنعمله اننا بنعرض حال الشخص نفسه يعني بنعرض كلامه هوعن للسانه وافعاله وانت بقي يامواطن ليك حرية الاختيار والقرار.

وعاوزة افكرك بحاجة مهمة جدا. لما وفود رسمية او غير رسمية من الامريكان بيجوا مصرعشان يجتمعوا مع احزاب او معارضين او تيارات مختلفة او نشطاء او غيرهم في مصر كان فيه ناس حسهم الوطني عالي وكتير منهم رفضوا يقابلوا الامريكان قولا واحدا لأنهم مصريين وطنيين وبيرفضوا تدخل الامريكان كمبدأ عام من بابه في شئون مصر الداخلية وبيرفضوا عقد صفقات مع الامريكان. وبعدين الامريكان سواء على المستوي الرسمي او الغير رسمي المفروض يقابلوا جهات رسمية زيهم تابعين للدولة وده طبيعي جدا لأن مصر مش ممكن تعيش بمعزل عن العالم وملتزمة بإتقاقيات ومعاهدات تفرض عليها تعامل سياسي دبلوماسي معين والحمدالله مش على حساب استقلالنا ولا على حساب اننا نقبل تدخل الخواجات في شئوننا الداخلية والنظام المصري الحالي رافع مناخير وراس مصر لفوق وكرامتها محفوظة تالت ومتلت…

لكن الشهادة لله حزب النور مضياف وصدره رحب للأمريكان زي الاخوان تمام. الامريكان بيحطوا ايديهم مع كل حد واي حد عشان حاجة واحدة بس, عشان مصالحهم فقط لاغير.  وافكرك بنادر بكار الشهادة لله بردو بيكتب بإنتظام في اكبر مراكز البحوث الامريكية عن شئون مصر الداخلية بالانجليزي. مش عرفة ليه اي واحد من المفترض انه مصري يعني لما يحب يناقش شئون مصر الداخلية ليه يتكلم عن احوالنا الداخلية الي تخصنا مع الخواجات؟ وايه الكلام الكبير ده نفس كلام الاخوان عن الدولة الكمعية الانكلابية الي بتقمع التيار الاسلامي؟ الله هو حزب النور مش تبع الانكيلاب ولا ايه؟ طب ولما هي دولة كمعية ياسيد نادر بتشاركوا في الحياة السياسية ليه؟ ولما هي بتكمع التيار الاسلامي انتم مالكم ومال التيار الاسلامي طيب هو انتم مش صدعتونا بأن حزب النور مش حزب ديني ولكن حزب سياسي؟ ايه اللخبطة دي ….وليه نادر بكار ممثل حزب النور يكتب بالانجليزي طيب مايكتب بالعربي ده حتى النبي عربي ياشيخ نادرعشان يفهمنا على الاخص انها حياتنا وبلدنا ومشاكلنا مش مشاكل الامريكان يعني ولا هو قرع لازم يمد لبره وخلاص!!!

نادر بكار حزب النور السلفي 300x169 امسك الطابور الخامس وخلايا الاخوان النايمة في انتخابات البرلمان المصري  2015 الجزء الاول
نادر بكار حزب النور السلفي

وعشان أأكد لك صدق كلامي واني مش بفتري على حزب النور مرة تانية وتالتة وعشرة. ده عنوان مقال كتبته في 29 نوفمبر 2013 “ياحزب النورمصر ليست من مخلفات الاخوان ولا هي إرث تقسموه كما يحلو لكم اقرأ رسائل حزب النور للغرب”. المقال ده وجهته لنادر بكار ردا على مقالاته الي كان بيكتبها في اكبر مركز بحوث امريكي اسمه مركز او موقع المجلس الاطلسي من احد المراكز الي بتشارك في سياسة صنع القرار في توجيهات وتزكيات للإدارة الامريكية عن كيفية التعامل مع السياسة الخارجية للشرق الاوسط, لقراءة المقال اضغط هنا.

والسيد نادر الي صدعنا بردو ان هو وحزب النور مؤمنين بحرية التعبير والديمقراطية والرأي والرأي الاخر الاخ نادر اخي في الوطن الغالي عمل لي بلوك على تويتر عشان عبرت عن رأيي الي بيكفله ليا القانون والدستور في بلدي. طيب يعني انت بتكره الي عبرت بيه عن رأيي فقفلت عليا مية ونور ياحزب النور بدل ماتتناقش معايا وتفهمني يمكن انا فاهمة غلط….الله يانادر يابن بكار يعني عاوزين تترشحوا في البرلمان عشان تعملوا للمواطنين بلوك من البرلمان ولاايه؟  هي دي احترام الرأي والرأي الاخر؟ هو ده الاختلاف الي لا يفسد للود قضية؟ للأسف انتم ينطبق عليكم اية المنافق ثلاث اذا حدث كذب واذا وعد اخلف واذا اؤتمن خان يعني اخوان ياسيد نادر!!!

واخيرا وليس اخرا, المقال ده جزء اول من اجزاء كتير وهنفضل نرصد مع كل اخواننا واخواتنا المصريين الشرفاء كل واي فاسد مصلحجي وكل متأسلم متطرف تاجر دين مش عاوز من مجلس نواب مصر القادم غير الحصانة  والمنظرة والفشخرة والمحسوبية ويقول لك العدالة الاجتماعية والعيش والحرية والعدالة وهو اصلا له اهداف ومصالح واجندة خاصة ولا يفرق معاه انا او انت نهائي…

كفايانا قرف بقى, ساعدنا يساعدك ربنا دنيا واخرة , ساعدنا عشان مصر تنضف لأنها مش هتنضف غير بإيدينا احنا.

وزي ماهنكتب عن الناس الي معندهاش انتماء لمصر ولكن انتمائها لأهدافها واجندتها ومصالحها الخاصة هنكتب وهنعرض بردو بنفس القوة والاصرار الناحية الايجابية والناس الوطنية الي ممكن نثق فيها ونسلمها رقبتنا ومستقبل اولادنا والاجيال الجاية عشان يمثلونا في مجلس النواب وانت بقي ليك حرية الاختيار.

بس افتكر انك لو قاطعت انتخابات مجلس النواب 2015 مش هتكون معفي من المسئولية لأن سلبيتك ومقاطعتك اقسم بالله هي الي هتوصل الارهابيين والفاسدين لمجلس النواب. انت عملت ثورة عظيمة في 30 يونية 2013 وعدلت دفة المركب, كمل جميلك بقى ياشعب ياعظيم ياجميل واختار طقم السفينة صح عشان السفينة تكمل رحلتها وتوصل بر وشط الامان بسلامة الله.

امسك اخوان الارهابية على قوايم حزب النور لانتخابات البرلمان المصري 2015

انتخابات البرلمان المصري 2015 297x300 امسك اخوان الارهابية على قوايم حزب النور لانتخابات البرلمان المصري 2015انتخابات البرلمان المصري او مجلس النواب على الابواب. وطبعا لازم نشدد على اهمية اننا جميعا كمواطنيين مصريين, سواء مقيمين في مصر او خارج مصر, لازم نشارك بصوتنا في االانتخابات ونختار صح ونتجنب اخطاء الماضي الفادحة الي كلفتنا دم وعمر اولادنا وعرضت امننا القومي لخطر وتهديدات في الداخل والخارج.

ولازم نفتكر دايما الي حصل من 25 يناير 2011 حتى اللحظة, عشان نتأكد ونذكر انفسنا ان الشعب المصري هو لوحده الي يقدر بحسن اختياره وقراره الصح يبني مصر وهو بردو الي يقدر بسوء اختياره وقراره الخاطيء انه يتسبب بشكل مباشر واساسي في هدم مصر وانهيارها بشكل كامل لو اتصرف بسلبية وقاطع الانتخابات او اساء الاختيار.

معظمنا معندوش ادني فكرة عن مين هي الاحزاب المصرية يعني اسمائها او عددها او تكوينها واتجاهاتها اونشاطاتها الي اخره وده راجع الي ان الاحزاب المصرية ضعيفة ومفيش لها اي وجود في الشارع وللأسف دايما مشغولة في صراعات في داخل الحزب الواحد ومع الاحزاب الاخري بدل ماتشغل نفسها بالمساهمة في حل مشاكل مصر والمصريين. في الاول كان حجتهم الي بيعلقوا عليها فشلهم, ان نظام الريس مبارك كان بيمارس عليه استبداد وقمع وان ده كان سبب عدم وجودهم في الشارع. طيب بعد التنحي من 11 فبراير 2011 لغاية اللحظة دي ايه حجتهم في انهم ليسه ملهمش وجود؟ ماالساحة مفتوحة لهم ولغيرهم والشارع يتسع للجميع, هما فين بقي؟ هما زي ما قلت مشغولين بنفسهم وبصراعاتهم الداخلية وبالمزايدة على غيرهم من الاحزاب المنافسة اكتر من اي حاجة تانية.

ولكن بالرغم من كل ده, مينفعش ابدا اننا ناخد موضوع ضعف وفشل الاحزاب في مصر كمبرر في اننا نمتنع عن التصويت في الانتخابات او نكبر دماغنا عشان مش لاقيين حد يستاهل يمثلنا في البرلمان المصري القادم. لازم نبذل مجهود وندور ونسأل عن افضل المرشحين سواء الافراد او قوايم الاحزاب الي ممكن نثق فيهم في تمثيلنا في مجلس النواب.

لازم نضع في اعتبارنا ان زي مافيه كتير من المرشحين او النواب الفشلة المصلحجية الي مستقتلين على دخول البرلمان عشان المنظرة والحصانة والمحسوبية وخدمة مصالحهم الخاصة, فيه كمان مرشحين ونواب وطنيين وهدفهم مصلحة مصر والمصريين.

خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 258x300 امسك اخوان الارهابية على قوايم حزب النور لانتخابات البرلمان المصري 2015
خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 احفظ الاسم والشكل كويس

احنا بقى كشعب دورنا مهم جدا اننا نوصل المرشحين الوطنيين لمجلس النواب عشان اذا معملناش كده, وقاطعنا الانتخابات مثلا, يبقى صدقني احنا بنقدم مصر على طبق من ماس لجماعة الاخوان الارهابية وخلاياها النايمة. وكمان بنيدي فرصة للإدارة الامريكية الوقحة الي بتدخل في شئوننا الداخلية ودول زي تركيا وقطر الارهابية وغيرها انهم مش بس يزرعوا بذرة الاخوان الشيطانية في مجلس النواب مرة تانية ولكن كمان كعهد سياساتهم الخارجية القذرة يزرعوا معهم البديل الي لا يقل قبحا وارهابا عن جماعة الاخوان وهم جماعات اخري متأسلمين وبيدعوا انهم بيمارسوا السياسة والديمقراطية وهما في الحقيقة بيتاجروا بالدين للوصول لاهدافهم الحقيقية. رجوع الاخوان للسلطة في ايدي وايدك احنا الي ممكن نرجعهم للسلطة سواء عن عمد او جهل واحنا بردو الي ممكن نمنعهم من خطف السلطة مرة تانية.

وخلي بالك لما بنقول رجوع جماعة الاخوان للسلطة مرة تانية او خلاياها النايمة او المتأسلمين او المنافقين تجار الدين معناه بردو ان جماعات تانية بمختلف اسمائها هي الي ممكن اوي تحكم مصر, الاخوان هي جماعة انصار بيت المقدس وهي داعش وهى كل تنظيم او جماعة ارهابية او حتى حزب تحت غطاء الدين او بيتاجر بالدين واللهي كلهم من رحم واحد مع اختلاف الاسماء.

بص حواليك على الشعوب المشردة الي بتهرب من الدبح والحرق والدمار وانت تعرف مصيرنا هيكون ايه لو انت ساهمت في وصول الاخوان او اذنابهم مرة تانية للسلطة. اوعي تفتكر ان الاخوان هيسيبوا اي فرصة عشان يوصلوا للحكم مرة تانية بكل الطرق المشروعة والغير المشروعة ولو ده حصل هتبقى انا وانت ساهمنا فيه بشكل اساسي لو مخترناش نواب البرلمان المصري القادم صح وبحذر شديد.

في 4 سبتمبر 2015 كشفت جريدة البوابة نيوز الاليكترونية عن اسماء بعض مرشحين جماعة الاخوان الارهابية على قوايم حزب النور واخد لي بالك “حزب النور” مطلوب منك تحفظ الاسماء واشكالها ان وجدت زي عينيك عشان لما تدلي بصوتك يروح للنائب الصح مش النائب الارهابي الي مش بس هيدخل البرلمان بطوله وعرضه لا ده كمان هياخد حصانة برلمانية. احنا عاوزين نبني ونكبر مصر ونكبر معها, مش هنفضل مقضيين عمرنا ثورات بقي. احنا قدها ايوة مفيش كلام ولكن عاوزين نبني ونأسس صح ونستقر عشان حالنا ينصلح.

الخبر بيقول ان اخوان منشقون كشفت للـ«البوابة نيوز» أن جماعة الاخوان الإرهابية، تستعد للدفع بـ٢٥٠ عضوا من الصف الرابع والخامس لخوض الانتخابات البرلمانية بكل محافظات الجمهورية، وانهم هيترشحوا علي قوايم حزب النور السلفي وان فيه اجتماعات سرية لبحث تحركاتهم في الفترة المقبلة.

وحصلت «البوابة» على أسماء بعض هؤلاء المرشحين، وهم كالتالي:

مرشحين جماعة الاخوان الارهابية في محافظة الإسكندرية على قوايم حزب النور السلفي:

مصطفى صبحى محمد في دايرة محرم بك

السيد محمد شوقي في دايرة مينا البصل او في دايرة الدخيلة

محمد عبد الدايم او اشرف محمود عبد الدايم في دايرة الدخيلة

عصام محمود محمد في دايرة العامرية

مرشحين جماعة الاخوان الارهابية في محافظات الصعيد عن دايرة شمال ووسط وجنوب الصعيد على قوايم حزب النور السلفي:

علاء الدين عبد اللطيف

أحمد حامد عبدالعال

عبدالمنعم محمد عبدالعليم

محمد محروس أحمد

قدرية حافظ يوسف

إيمان على على إبراهيم

مجدى غالي

سعاد غالى

حنان سعد حليم أحمد إبراهيم

نادية عباس رشاد

دعاء عبدالعاطى محمد

ولاء على محمد

منال عصام عزت

آمال رمضان عبدالحميد

خالد عادل عبد الحليم حسين والي اخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 258x300 امسك اخوان الارهابية على قوايم حزب النور لانتخابات البرلمان المصري 2015

خالد عادل عبد الحليم حسين والي من جماعة الاخوان الارهابية مرشح عن دايرة الشرابية والزاوية الحمرا مجلس الشعب المصري انتخابات 2015 احفظ الاسم والشكل كويس

بالاضافة الي ان جماعة الاخوان الارهابية بتدعم الدكتور محمد مصطفى الفقي، المرشح فى الانتخابات عن دائرة طنطا والشخص ده كان عقد مع الجماعة صفقات فى مجلس شعب الجماعة الارهابية في٢٠١٢، وفضلته على الشيخ سيد عسكر، أحد قيادات الإخوانى.

واسم ياريت تفتكره كويس بردو عمرو عماد العمدة، المترشح عن حزب «النور» بالجيزة، والشخص ده كان أحد الداعين إلى أحداث رمسيس الدموية.

اوعي تبيع نفسك بشوال سكر او كام ازازة زيت او اي مبلغ ممكن يتم اغرائك بيه واعرف انك لو قبلت رشوة حتى لو كنت محتاج مش هتلحق تطفحها ولا حتي بالسم الهاري لأنهم لو وصلوا للحكم تاني اول رقبة هيقطعوها هي رقبتك يعني مش هتلحق حتى تهضم اللقمة الحرام.

يا سيادة المندوب السامي البريطاني, مصر لم تعد مستعمرتكم الملكية

British Ambassador to Egypt John Casson يا سيادة المندوب السامي البريطاني, مصر لم تعد مستعمرتكم الملكيةجون كاسون الذي من المفترض أن يكون السفير البريطاني في مصر، من الواضح انه مولعا بالتاريخ الاستعماري البريطاني الأسود الدموي في مصر من الفترة 1882 إلى 1952. والآن في عام 2015، يبدو أن جون كاسون يعتقد أنه هو المندوب السامي البريطاني في مصر، وقد نسي او تناسي أن مصر لم تعد المستعمرة الملكية لبريطانيا، وبريطانيا هي بالتأكيد لم تعد إمبراطورية كما كانت في الماضي.

إذا كان السيد كاسون يأخذ راتب شهري من قبل حكومته ليشعر بالقلق والصدمة تجاه الشأن الداخلي المصري, فعليه من باب اولي ان يوفر راتبه الشهري ليشعر بالقلق والصدمة تجاه انتهاكات بريطانيا لحرية الصحافة في بلده.

السيد كاسون شعر بالصدمة والقلق في أعقاب قرار محكمة مصرية في انزال عقوبة السجن لثلاثة من صحفيي الجزيرة، في 29/8/2015، للعمل بدون ترخيص في مصر وتزوير الأخبار ونشر الاكاذيب لصالح تنظيم جماعة الإخوان المسلمين الارهابية.

وكان السيد كاسون قد اعرب عن مخاوفه بشأن التزام مصر بالديمقراطية والاستقرار المؤقت في مصر على أساس تعليق حريات الإعلام وقمع حرية التعبير وحرمان الأفراد من حقوقهم في الدستور المصري.

لماذا لا يدع السيد كاسون وزملاؤه في جميع أنحاء العالم الشعب المصري ليقلق بخصوص شأنه الداخلي والقضايا التي تخص مصر, وبدلا من إلقاء المحاضرات على المصريين حول الديمقراطية الغربية الزائفة والحرية الوهمية التي يريد الغرب فرضها علينا بالقوة,  فلماذا لا يركز هؤلاء القوم على الشئون المتردية الداخلية الخاصة بهم في بلادهم؟

بالطبع الديمقراطية والحرية موجودة في المملكة المتحدة، والدليل الكبير على هذا، هو أنه على عكس الولايات المتحدة الامريكية فإن بريطانيا ليس لديها اي ضمانات دستورية لحرية الصحافة!

بالتأكيد المملكة المتحدة هي مملكة حرية الصحافة، والدليل الواضح على هذا هو ان اللجان البرلمانية الانجليزية والشرطة يستغلون عدم وجود حماية لحرية الصحافة في الدستور الخاص بإنجلترا ويقومون  بملاحقة ومحاكمة أي صحفي في المملكة المتحدة.

فعلي سبيل المثال وليس الحصر مثل ما حدث  في عام 2013، عندما قامت صحيفة الجارديان بنشر معلومات استنادا إلى وثائق وكالة الأمن القومي التي سربها إدوارد سنودن. (إدوارد جوزيف “إد” سنودن هو امريكي متخصص في  الكمبيوتر, وكان متعاقدا سابقا مع الحكومة الامريكية وقد قام بتسريب معلومات سرية من وكالة الأمن القومي الأمريكية (NSA) في عام 2013. وكشفت المعلومات العديد من برامج المراقبة العالمية، والعديد من التي تديرها وكالة الأمن القومي وذلك بالتعاون مع شركات الاتصالات والحكومات الأوروبية).

بالمناسبة، اذا كان السيد كاسون ليس على علم او دراية، فإن المراقبة التي تمارسها انجلترا على مواطنيها، هي في الحقيقة أوسع واكبر من مراقبة وكالة الأمن القومي الامريكي على مواطنيها، وهذا وفقا لإدوارد سنودن.

بالطبع وحتما ان الولايات المتحدة الامريكية وبريطانيا رأت ان من حق الرأي العام الأمريكي والرأي العام البريطاني معرفة حقيقة موضوع وفضيحة تجسس وكالة الأمن القومي الامريكي على الاتصالات الخاصة، بدليل ان السيد ديفيد كاميرون رئيس وزراء انجلترا راعية حرية الصحافة في العالم ارسل احد مساعديه لممارسة الضغوط على صحيفة الجارديان لتدمير الوثائق السرية التي وردت لهم من إدوارد سنودن. وبالإضافة إلى ذلك، اعتقلت السلطات البريطانية ديفيد ميراندا الشريك والصحفي المساعد في جريدة الجارديان لغلين غرينوالد، هذا وقد تعرضت الصحافة في إنجلترا الي الضغوط تحت الإستجواب البرلماني ومحاكم التفتيش والاستجواب الجنائي.

ان هذه الفضيحة التي فجرها إدوارد سنودن كانت حقيقية وليست وهمية او مفبركة، والرأي العام العالمي في العالم بأسره استحق أن يعرف الحقيقة, وان يدرك اي نوع من انواع الحريات الزائفة والوهمية يعتقدون أنهم يتمتعون بها، واي نوع من حقوق الإنسان وحرية الصحافة المنتهكة من قبل حكومات الغرب والتي يمارسونها على شعوبهم.

ان الصحافة البريطانية تفتقر منذ فترة طويلة هذه “الحريات” التي تحدث عنها صاحب السمو الملكي السيد جون كاسون واعطي فيها محاضرات لمصر عن معني الحريات وحقوق الصحافة في الدستور بالرغم ان دستور بلاده ليس فيه اية حقوق للصحافة.

هل تسمح المملكة المتحدة او الولايات المتحدة الامريكية لأي اجنبي يحمل تأشيرة دخول سياحة وغير مسموح بها بالعمل حتى اذا كان صحفي ان يمارس الصحافة على اراضيها بدون تصريح عمل او رخصة عمل رسمية؟ واذا كانت قضية ادوارد سنودين التي كانت حقيقية وبها مستندات موثقة عن قضية تجسس كبري تمارسها امريكا على مواطنيها وعلى دول العالم وقامت السلطات في بريطانيا بقمع الصحافة وحبس الصحفيين بهذا الشكل لقتل الفضيحة, فكيف اذا تتعامل السلطات البريطانية مع الصحفيين الذين ينشرون اخبار مفبركة على اراضيها او من يعملون في الصحافة بدون رخصة او تصريح عمل رسمي؟

أي نوع من الحريات هذه التي يتحدثون عنها وتتمتع بها الولايات المتحدةالامريكية  وانجلترا؟ في حين أن وكالات الاستخبارات قامت ومازالت تقوم بمراقبة و جمع المعلومات عن المكالمات الهاتفية ورسائل البريد الإلكتروني واستخدام الإنترنت من المواطنين العاديين ؟! أي نوع من الحرية هذا يستمتع به من يطلقون عليه  “المجتمع الحر” أو “حرية الصحافة” وهو يجري تحت الإستجواب البرلماني والجنائي ؟!

ما هو تعريف الحرية او ماذا تعني الحرية للسيد جون كاسون المندوب السامي البريطاني في مصر؟ عندما يكون من الواضح انه لدينا اكثر من تعريف واحد “للحرية”, فهي في الاساس تعتمد او قائمة على من نتحدث واين تحدث ؟ لا أعتقد أن هؤلاء الذين هم على شاكلة السيد كاسون يشعرون بأي خجل من المعايير الصارخة المزدوجة والأكاذيب المستمرة وتضليل الرأي العام الدولي التي يتم ممارستها بشكل دائم.

سواء جون كاسون أو الحكومة البريطانية شاؤا ام رفضوا، مصر دولة مستقلة، وكلمة مصر و قراراتها تأتي من رأس مصر نفسها، وبالتأكيد ليس من بريطانيا أو أي بلد آخر من خلال ممارسة سياسة لوي الذراع للضغط ولتوجيه 90 مليون مواطن مصري كما يحلوا لهم, لتنفيذ مايريدون وليس مانقرره نحن في شأننا الداخلي من خلال قضاء مستقل.

انا في الحقيقة ارجو واتمني ان السيد جون كاسون يتحلي بنفس الجرأة التي هاجم بها وانتقد استقلال النظام القضائي المصري والسيادة المصرية على اراضيها، في ان ينقل الي حكومته رد فعل الشعب المصري تجاهه كممثل للمملكة المتحدة انه  لم يعد مرحبا به وجوده على الاراضي المصرية بإعتباره السفير البريطاني في مصر، بعد بيانه الذي اقل مايوصف به انه “وقح” و يعتبر ليس إهانة لاستقلال القضاء المصري، ولكن هو في الواقع إهانة مباشرة للشعب المصري الذي هو الوحيد الذي لديه الحق في تقرير شأنه الداخلي وهو ايضا الوحيد الذي من حقه ان يقبل او يرفض اي وضع داخلي وليس السفيرالانجليزي الاجنبي الذين لا يمثل الشعب المصري ولكن هو يمثل بلده فقط لاغير.

ان مصر دولة مستقلة عظيمة و عريقة ولم تولد بالأمس مثل العديد من دويلات هذا العالم, ولأنها دولة بهذا الحجم والمقام العظيم فهي بالتأكيد لا تحتاج لشهادة حسن سير وسلوك من اي احد مهما كان, ولكنني اعتقد وبشدة ان السيد جون كاسون سفير انجلترا في مصر هو في الحقيقة من يحتاج الي شهادة حسن سير وسلوك حينما يترك مصر ويذهب الي دولة اخري ليتم اعتماد اوراقه فيها.

تحيا مصر حرة مستقلة

ايمان نبيه

مصرية وافتخر

هذا المقال مترجم من الانجليزية للعربية وقد تم مراجعة المقال باللغة الانجليزية من الناحية النحوية واللغوية, فقبل كل شيء هذا المقال موجه الي نيافة معالي سفير المملكة المتحدة في مصر – الي من يهمه الامر لقرائته باللغة الانجليزية, اضغط هنا

احذروا يامصريين الفتن والاشاعات في الفترة دي على وجه الخصوص

اللهم اجعل هذا البلد امنا 300x180 احذروا يامصريين الفتن والاشاعات في الفترة دي على وجه الخصوصاحذروا يامصريين الفتن والاشاعات في الفترة دي على وجه الخصوص. الي فات شيء والقادم شيء تاني يحتاج منا دايما الحيطة والحذر والضرب بيد من حديد على كل من تسول له نفسه محاولة زعزعة امن مصر القومي ووحدتها ووحدة صف وقوة جيشها.

اوعوا ابدا تتصوروا ان حكومات الغرب الي استعمرت بلادنا في الماضي انتهت ومعدشي لها وجود وان الوضع اتغير على مستوي السياسة الخارجية او ان الغرب واقف جنبنا لأنه مؤمن بينا وبارادتنا الشعبية. كل ده كلام فارغ, الاستعمار بيغير جلده زي الحرباية.

دلوقتي مش زي زمان, الاستعمار زمان كان ارحم من دلوقتي على الاقل كنا بنعرف عدونا من صوته وشكله, اما دلوقتي اعدائنا موجودين في كل مكان جوا مصر وبره مصر ومش عرفين شكلهم ولا الضربة هتيجي منين.

المصالح بس هي الي بتفرض سياسات معينة على تعامل الدول مع بعضها. لكن الحقيقة اذا كانت فيه اي فرصة لتدمير مصر, وطرفنا طرفة عين واحدة هيضربنا اعدائنا في مقتل وبدون اي تردد. مش مصدق؟ متصدقش بس قبل ماتقول مش مصدق بص بعنيك قريب منك اوي ومش بعيد عنك ابدا وقولي العراق وليبيا وسوريا واليمن حصل فيهم ايه؟ والمحاولات المستميتة لإسقاط مصر ممكن تقولي بتحصل ليه؟ وبعدين ابقى قول اني ببالغ وانك مش مصدق.

حاليا واكتر من اي وقت فات فيه حملات نشطة جدا وبكثافة داخل مصر وخارج مصر وهي مش مجرد افراد ولا شغل عشوائي, هي في الحقيقة شبكات متصلة ببعضها بره مصر وجوا مصر. انتم تعرفوهم كويس بتوع حقوق الانسان والنشطاء والحقوقيين والسياسيين ومجموعات كل شوية تخرج علينا تدعي انها كتائب التحرير ويزعموا انهم ظباط منشقين عن جيش مصر وفيديوهات وصور بلبس الجيش او الشرطة على شوية مراسلين اجانب في مصر ومراكز ابحاث خارجية  على مجموعات العمل ضد مصر على جماعة الاخوان الارهابية والمرتزقة الي بيشتغلوا لحسابهم, على ناس مسمية نفسها داعش وانصار بيت المقدس وكل الاسماء دي كلها على بعضها حاجة واحدة هما في كلمة واحدة “عدو مصر” والعدو ده هدفه الوحيد هو اسقاط مصر بأي شكل من الاشكال .

والي متابع ومذاكر تاريخ كويس, افتح الشباك وطل على سوريا وليبيا والعراق, وانت هتعرف ان اعداء مصر بإختلاف اسمائهم عاوزين يخربوا مصر ويفككوها وطبعا ده عمره ماهيحصل طول ما مصر فيها جيش قوي وشعب واعي مدرك تماما للي بيحاك ضده والي بيحصل حواليه في المنطقة.

لكن خلي بالك,  اعدائك مش بيعتمدوا على القنابل والاسلحة عشان يسقطوا مصر, ولكن بيعتمدوا على سلاح اقوي من القنابل والقوة العسكرية وهو الانترنت ووسائل الاعلام المختلفة. وبينشروا اخبار كتير اوي عن مصر وبكثافة. لدرجة ان الكتير من مجموعات العمل ضد مصر في الخارج بما فيهم منظمات حقوق الانسان العالمية بالتنسيق مع اذنابهم في الداخل بيدفعوا فلوس كتير اوي في اعلانات مدفوعة على الانترنت مخصوصة عن الي بيقولوا عليه الانقلاب العسكري وانتهاك حقوق الانسان في مصر والقمع والقتل والاعتقالات في مصر. بيدفعوا ميزانيات ضخمة يوميا على نشراعلانات تشويه لسمعة مصر في اول صفحة عشان جنابك وغيرك في العالم كله يقراها.

  طبعا عشان بيحاولوا بإستماتة يوصلوا لك الانطباع ان مصر رايحة في داهية ومن سيء لأسوأ وان الارهاب منتشر وان فيه انشقاق في الجيش المصري وانقلاب على النظام وان الشرطة المصرية ماهي الا جهاز فاسد قمعي يخدم النظام المستبد في حكمه وحملات تشويه مصر في كل شيء حتى الايجابيات الي مش بيتكلموا عنها وبيسفهوا كل امر ايجابي بيحصل في مصر وكل الكلام الي انت عرفه ده واكتر منه كمان. وخد بالك ان ده بالظبط الي دمر سوريا, الي دمر سوريا مش الاسلحة ولا الجماعات المسلحة الارهابية, ولكن الي دمرها هي في الحقيقة الحرب النفسية عن طريق اطلاق ونشر الاشاعات والاكاذيب. وكلنا شوفنا نتيجة ده كان ايه.

اذا عملت مقارنة بسيطة مابين الي بينشره الاخوان ووسائل الاعلام المختلفة الاخوانية وطابورهم الخامس جوا وبره مصر و حملات الكلاب المسعورة من الاعلام الاجنبي وعلى الاخص الامريكي ومرتزقة المراسلين والصحفيين الاجانب الي عايشين بيتنفسوا هوا مصر وبياكلوا من خيرها وبيسترزقوا من الحياة على ارضها بالاضافة طبعا لبتوع حقوق الانسان في الداخل والخارج مش هتلاقي فرق ابدا بينهم. مفيش فرق ابدا لا في التوقيت الي بيستخدموه لنشر سمومهم ولافي الادوات الي بيستخدموها ولا حتى فيه اختلاف في الاهداف.

طيب ليه كل ده بيحصل وبكثافة في التوقيت ده بالذات ؟ 

لأسباب مختلفة واهمها:

لأن ياسيدي مصربتسعى للحصول على دعم جميع الدول الأعضاء في الأمم المتحدة في ترشحها للعضوية غير الدائمة في مجلس الأمن عن المجموعة الإفريقية وذلك عن الفترة 2016-2017 خلال الانتخابات التي ستنعقد في الجمعية العامة في أكتوبر 2015. طبعا لو مصر حصلت على العضوية ده هيزعل ناس كتير اوي جوا مصر وبره مصر. والناس دي مش عاوزة ده يحصل من اساسه. يقوموا يعملوا ايه؟ يشوهوا سمعة مصر في التوقيت ده بالذات لأن ده اسهل طريق لتدمير اي بلد هو تشويه سمعتها بكل الطرق الممكنة والغير ممكنة.

وفكر شوية وشغل مخك كده بردو لو انت متابع جيد للأحداث…افتكر معايا اي مرة وحيدة مصر حصل فيها اي ايجابيات او مشاريع او استثمارات او مثلا اقرب حاجة زي مشروع قناة السويس الجديدة…لو سعادتك قريت اخبار مصر في الصحف الاجنبية وعلى الاخص الامريكية هتلاقيهم مش كاتبين اي حاجة تفرق كتير عن الي بيكتبه جماعة الاخوان الارهابية.

هي مصر لما تنجح او تخطي خطوة واحدة للأمام وتوقف على رجليها, هل ده هيسعد اعدائها الي عاوزين يدمروها؟ لما تقرا كلامهم على رئيس مصر عبد الفتاح السيسي واللهي العظيم تحس وكأن امهم كانت بترضعهم كره وحقد وكأن السيسي ده مش رئيس مصر ولكن كان جوز امهم المتوحش الي كان بيمدهم على رجليهم وهما صغيرين.

ولو عاوز تعرف ليه بيكرهوا السيسي ونفسهم ومني عينيهم انه يختفي من على وجه الارض, ارجع لفترة جمال عبد الناصر وحط اخبار مصر في الصحافة الاجنبية ايامها واخبار مصر في الصحافة الاجنبية في 2015 لو لقيت اي فرق مابين فترة عبد الناصر وعهد السيسي في الشتايم والاهانات والاتهامات وقلة الادب والسفالة والتدخل السافر في شؤون مصر الداخلية وتشويه سمعة رئيس الدولة والدولة, ابقى تعالي قول لي اني بقول كلام فارغ.

غير بقى موضوع عضوية مصر في مجلس الامن, مينفعش يعني مصر توقف على رجليها وتعمل مشروع زي قناة السويس الجديدة والاحوال تتحسن شوية شوية ومينفعش ان يكون فيه اي ايجابيات وطبعا مينفعش ابدا ومرفوض تماما ان يكون فيه رضاء او استحسان شعبي تجاه نظام الدولة. لازم وحتما ولابد مصر تولع نار والنار تاكلها وتاكل الي عليها لغاية ماتبقى رماد. ومينفعش يقولوا الحقيقة ان مصر ناجحة في مكافحة الارهاب وعلى الاخص من خلال الكم الهائل من ضربات الامن والجيش الاستباقية بالمقارنة مع عدد العمليات الارهابية البدائية او الفاشلة , مصر في الحقيقة ناجحة في مكافحة الارهاب واي متابع جيد لعمليات الجيش والشرطة هيتأكد من النجاح ده. لكن العدو واذنابه بينشروا ان مصر رايحة في داهية وكأنهم بيتكلموا عن الاحداث الي بتحصل في سوريا مثلا او العراق … العدو مش هايهبط ولا هايتهد الا لما يتحقق المراد الي أفشله الشعب المصري  في 30 يونية 2013.

عرفت الاسباب, طيب هنعمل ايه في مواجهة كل المؤامرات القذرة دي؟

شوف اذا انت من الناس الي عايمة في مية البطيخ, يعني منفض دماغك يبقى خليك عايم وان شالله تغرق.

لكن لو انت من الناس الي بتحب البلد دي زي الاب والام بيحبوا ضناهم ويخافوا عليه ويموتوا فدي ضناهم لو لزم الامر, اولا لازم تفتح عينيك كويس اوي لكل حاجة بتحصل حواليك. يعني اي حاجة تشوفها مريبة او غلط او حد اشتبهت فيه انه بيعمل او بيدبر لعمل ارهابي او اجرامي حتى لو كان ابوك او اخوك, اعرف انك لو مبلغتش عنه الجهات المختصة وخوفت او اترددت حقيقي متلومش غير نفسك ساعتها. الحرب الي احنا فيها دي حرب وجود يابني ادم يعني مسألة حياة او موت يعني يااحنا يا الارهاب … تختار ايه بقى؟ انت حر.

واذا انت نشط على مواقع التواصل الاجتماعي وبتتكلم في السياسة اشتغل صح بقى. وانت بتعبر عن رأيك متنساش وحياتك وانت عامل فيها خبير استيراتيجي وسياسي واجتماعي واقتصادي وامني, ان لو عندك انتماء لبلدك دافع عنها باستماتة ضد الألسنة المغرضة الي بتنشر اشاعات وبتشوه سمعة بلدك.

يعني سعادتك مثلا  بتعرف عربي ولو بتعرف للغات اكتب الحقيقة وبلاش تساهم في نشر اخبار عن مصر قبل ماتتحري دقتها وصحتها ومصادرها…خلي بالك كويس اوي ان كل كلمة بتكتبها مرصودة وبتتحسب عليك. يعني انت لو نشرت او ساهمت في تسويق خبر انت مش عارف اذا كان حقيقي او لأ والخبر ده كان الهدف منه تسويق اخبار مثلا للتشكيك في قوة جيش بلدك في حربه ضد الارهاب او في اي معلومة او خبر الغرض منه بيكون تسويق اخبار معينة كاذبة عن مصر لهدف ما, انت في الحقيقة بتساهم بشكل كبير في نشر الاكاذيب وبث الخوف والقلق في نفوس الناس الي بيقروا الخبر ده من خلالك ومن ناس تانية.

اوعي ابدا تقرا او تسمع اخبار كدب عن بلدك وتعديها مرور الكرام  واذا انت مش قادر ترد بلغ عن الي بينشر الاكاذيب وبيبث الفتن والاشاعات في مصر.

مصر في حالة حرب شرسة مفيش فيها اي رحمة ومن كل الاتجاهات واعرف بدون ادني شك ان كل مامصر تحقق نجاح في اي مجال او تخطي خطوة ايجابية للأمام الحرب عليها هتزيد ومش هتتراجع ولا هتقل والاشاعات هتكون اكتر.

هل انت هتكون في صف بلدك وتخليها تمد خطوة ورا خطوة رغم كل الصعوبات والتحديات ولا هتهدها وتحط ايدك في ايد الي عاوزين يدمروها حتى لو كنت مش متعمد ده وبتعمله من غلبك وخنقتك وقلة صبرك؟ خلي بالك احنا في حرب حقيقية حرب جديدة من نوع مختلف مش بتعتمد على الاسلحة ولكن بتعتمد على تسويق اخبار معينة في توقيت معين بأدوات معينة من شبكات ومجموعات معينة وبيعملوا لها تسويق باللغات مختلفة لتقليب وقلب الرأي العام العالمي ضد مصر.

سيب الناحية الامنية للجهات الامنية لكن انت كمواطن عليك دور مهم انك تساعد الجهات الامنية اذا توافرت ليك معلومات ممكن تشوف انها تشكل خطر على امن مصر القومي او بتهدد امن وامان الناس في مصر.

كل المطلوب منك تدافع عن بلدك ولو بكلمة واحدة

كل المطلوب منك تساند بلدك وتحميها وتسترها, استرها يا مصري واوعي توقف تتفرج عليها واعداءها بيحاولوا يعروها ويفرجوا عليها العالم

كل المطلوب منك تدرك كم المؤامرات القذرة الي بتدور حوالينا والاكاذيب وحرب الاشاعات وتدفنها مكانها

كل المطلوب منك انك لاتسمح ابدا لأي انسان مهما كان مركزه او هويته انه يكون عايش في بلدك وبياكل من خيرها وبيتنفس هواها وفي نفس الوقت هو بيسترزق من المشاركة في تدميرها وخرابها وبيشتم فيها وبيشتم فيك انت شخصيا لليل نهار وبينقل عن بلدك صورة مشوهة غير حقيقية وصدقني هما في الحقيقة بيستخفوا بالشعب المصري وبيحطوا من قدره و بيصوروه للعالم كأنه شعب عبيد ذليل ومتخلف,يعني الاغراب بياكلوا من خيرك ومن خير ارضك وبيشتموا فيك وبيهينوك عشان ده باب رزقهم الحقيقي.

كل المطلوب منك انك تكون ايجابي بالكلمة يااخي, في نفس الوقت الي فيه جندي شرطة وجيش وجنود مجهولة بتبذل كل وقتها وجهدها ودمها وعمرها وبتعرض نفسها للخطر طول الوقت وبتفتح صدرها للرصاص وبتموت عشان انت تعيش, كل دول ميستهلوش منك كلمة واحدة,  كلمة تخرس بيها السنة الشياطين؟

كل المطلوب منك انك تعمل واجباتك بس الي عليك تجاه بلدك وهي في حالة حــــــــــــــــــرب, ساندها  في وقت الحرب لأنك لو هاجمتها او شاركت في تشويه سمعتها في وقت الحرب في الحقيقة انت هتكون في الحالة دي في صف الخونة والاعداء ولا تستحق ساعتها ابدا جنسيتك المصرية وياريت لو ده هيكون شعورك تجاه مصر اقلع ملط وعري نفسك يعني اتنازل عن الجنسية المصرية وريحنا من قرفك وروح بيع نفسك لأي بلد تانية ده لو لقيت بلد تلمك او ترضي بيك اصلا. الي يبيع بلده يبيع اي حاجة بقى.

مفيش اي قوة في العالم كله ممكن تهزم مصر ولا شعبها ولا جيشها في الحرب القذرة دي الا حاجة واحدة بس وهي السلاح الي بيحاول اعداء مصر يحاربوها بيه بإستماتة وهو محاولة تفكيك وحدة مصر. نقول كمان؟ محاولة تفكيك وحدة مصر…لو اتفككت الوحدة دي في الشعب مابين مسلمين ومسيحيين او في داخل المؤسسة الواحدة, ضاعت مصر…امتي ينجحوا في ده وبمساعدة مين؟ هينجحوا فيه في الوقت الي الناس في مصر تصدق الاشاعات والخوف والذعر يتملك منها, ولو ده حصل هيكون بإيدينا احنا مش بإيدين اعدائنا واحنا كمان الي هنختار التوقيت….خلوا بالكم بلاش تكونوا السلاح الاعمي الي يحاربنا بيه اعدائنا.

ونقول كمان وكمان احذروا يامصريين من الفتن والاشاعات في الفترة دي على وجه الخصوص وحاربوها بكل مااوتيتم من قوة يعني بالبلدي كده ادفنوها في مكانها.

الا هل بلغت, اللهم فاشهد

ايمان نبيه

مصرية وافتخر

افتتاح مصنع إنتاج أول عربة مدرعة مصرية بمواصفات عالمية

افتتاح مصنع إنتاج أول عربة مدرعة مصرية بمواصفات عالمية 300x212 افتتاح مصنع إنتاج أول عربة مدرعة مصرية بمواصفات عالميةافتتح اليوم الموافق 14 مايو 2015 الرئيس عبد الفتاح السيسي, عدد من المشروعات الخاصة بالقوات المسلحة المصرية والتي شملت افتتاح مجموعة من المصانع اهمها, انتاج اول عربة مصرية مدرعة بمواصفات عالمية طبقا للنظم الحديثة. المصدر جريدة مبتدأ

يأتي هذا في اطار تطوير القوات المسلحة المصرية لعدد من المصانع الحربية لإنتاج أحدث أنواع السيارات والمركبات والعربات المدرعة، وقطع الغيار التى تستخدم فى تصنيع المركبات بمختلف أنواعها. كما قام الرئيس بالتوقيع على أول بطارية سيارة مصنعة بالكامل بمنتجات وايادي مصرية خالصة, تلبية لإحتياجات القوات المسلحة المصرية وكذلك القطاع المدني بمواصفات قياسية عالمية.

كما افتتح الرئيس عدداً من المصانع التى تم تطويرها ومعرضاً للمركبات يضم أحدث العربات المدرعة وكذلك سيارات مشروع تاكسى الشباب، وعربات نقل وتوزيع المواد الغذائية التى سيتم تسليمها لقطاع كبير من الشباب للمساهمة فى توافر فرص العمل والتشغيل، وتخفيف العبء عن كاهل المواطنين، لا سيما فيما يتعلق بضبط الأسعار والحصول على سلع ذات جودة عالية بأسعار مناسبة. المصدر اليوم السابع

تصنيع اول بطارية مصرية خالصة بأيادي ومنتجات مصرية 300x199 افتتاح مصنع إنتاج أول عربة مدرعة مصرية بمواصفات عالمية

الرئيس عبد الفتاح السيسي مع شباب مصر الواعد في 14 مايو 2015 اثناء افتتاحه عدة مشروعات في مصانع القوات المسلحة 300x239 افتتاح مصنع إنتاج أول عربة مدرعة مصرية بمواصفات عالمية

#تحيا_مصر

##‏انشروا_الايجابيات_حركة_بلدنا‬