الانتخابات الرئاسية لعام 2012 تم تزويرها لصالح محمد مرسي العياط

Muslim brotherhood announced mohamed morsi is the president of egypt at 3 oclock in the morning and before the official result 300x157 الانتخابات الرئاسية لعام 2012 تم تزويرها لصالح محمد مرسي العياطانا من الناس الي مكنتش منتظرة اي دليل موثق عشان اتأكد ان انتخابات الرئاسة في 2012 كانت مزورة ودلوقتي بعد ماتم رفع حظر النشر عن قضية تزوير انتخابات الرئاسة لصالح محمد مرسي مرشح جماعة الاخوان الارهابية, من حقنا نعرف الحقيقة ونثبت للعالم كله الي ساند ومول جماعة ارهابية عشان تحكم 90 مليون مصري بالعافية واما يحكمونا او يقتلونا ويحولوا مصر لأرض محروقة زي ماهما اعلنوا وقالوا في كذا مناسبة, من حقنا نعرف الحقيقة للتاريخ وعشان الاجيال الجاية 

انا هقول حاجة واحدة بس اني انا فاكرة ايام الانتخابات في 2012 كأنها حصلت امبارح. الساعة 3 الفجر يوم الاتنين الموافق 18 يونية 2012 طلعت علينا جماعة الاخوان الارهابية في مؤتمر صحفي في الفجر وحزب الحرية والعدالة يعلنوا نتيجة الانتخابات وان محمد مرسي هو الفايز وهو رئيس مصر قبل يومين من اعلان النتيجة الرسمية الي تم اعلانها في 20 يونية 2012 وفي نفس الوقت الي كان ليسه فيه اصوات بيتم فرزها في بعض اللجان والمحافظات.

واعلان النتيجة بالشكل ده كان رسالة مباشرة وتهديد صريح…لأن جماعة الاخوان كانوا بيقولوا ساعتها للشعب المصري احنا الي هنحكم وبالعافية وبسياسة فرض الامر الواقع بترويعكم وارهابكم.

جريدة الوطن نيوز نشرت حصريا عدة اجزاء من حقائق وتقارير تثبت تزوير انتخابات الرئاسة في 2012 لصالح محمد مرسي واهم وثيقة وتقرير في كل الي نشرته جريدة الوطن نيوز هو شهادة اللواء أحمد جمال الدين وزير الداخلية السابق

والي هيقرا شهادة اللواء احمد جمال الدين هيعرف ليه حصل التزوير وازاي وليه تم السكوت عليه طول الفترة دي.

ولازم نفهم كويس جدا انه مكنش ممكن يحصل غير الي حصل, اولا لأن قرار اللجنة العليا للانتخابات مكنش ممكن يتم الطعن عليه لأن قراراتها كانت محصنة ولم يجوز الطعن عليها.

ثانيا وده الاهم لو كان تم اعلان الفريق احمد شفيق رئيسا للبلاد, تأكدوا بما لا يدع مجال للشك ان مصر كانت هتبقى بحور دم يعني لو متصورين ان الي بيحصل في سوريا او ليبيا ده مجازر, الي كان هيحصل في مصر كان هيكون ابشع واسوأ والحمدالله ان ربنا خلانا نمر بالفترة دي زي مامرينا بيها بكل بشاعتها لكن في النهاية بلدنا رجعت لنا بالسلامة وفي الوقت المناسب

نشرت جريدة الوطن نيوز بتاريخ 20 يناير 2016 محضر التحقيق مع اللواء احمد جمال الدين وزير الداخلية الاسبق اضغط على الينك هنا عشان تقرا شهادة اللواء احمد جمال الدين

وعشان نعرف كمان من خلال شهادة اللواء احمد جمال الدين ليه تم استبعاده بعد مامرسي العياط اصبح رئيس مصر, لأنه رفض اوامر محمد مرسي بالتعامل بعنف مع متظاهرين الاتحادية ضد الاعلان الدستوري ولأنه رفض اعلان قانون الطواريء الي عمله مرسي بعد مااصبح رئيس , ولأنه اصر على تطبيق القانون على الحارس الخاص لخيرت الشاطر الي كان بحوزته اسلحة غير مرخصة وغير قانونية والحقيقة الي استبعد اللواء احمد جمال الدين من منصبه مش محمد مرسي ولكن مكتب الارشاد الي كان هو الحاكم الفعلي لمصر

ونشرت جريدة الوطن نيوز في 21 يناير 2016 الجزء التاني من تزوير انتخابات الرئاسة والتقرير مفصل بالتواريخ ووقائع التزوير وتقارير المباحث الجنائية بتسويد البطاقات لصالح محمد مرسي في 16 محافظة والبطاقات المسودة من المطابع الاميرية في 10 محافظات بالاضافة الي تقارير تانية تفصيلية عن عمليات تزوير من شأنها تفسد العملية الانتخابية برمتها اضغط هنا عشان تقراوقائع التزوير بالتفصيل

يعني بالبلدي كده محمد مرسي العياط ماكنشي ولا عمره كان رئيس شرعي للبلاد والحمدالله ولكنه جاء للحكم بالتزوير والارهاب والترويع والتهديد.

ومعني ان انتخابات الرئاسة في عام 2012 تم تزويرها, ده مش معناه ابدا ان الفريق احمد شفيق هو الي كان هيبقى رئيس مصر او انه هو رئيس مصر حتى لو كان هو الفايز في الانتخابات , لأن الانتخابات في حد ذاتها في ظل كل المخالفات دي كانت فاسدة وباطلة يعني العملية الانتخابية كلها شابها الفساد

صور من شهادة اللواء احمد جمال الدين عن تزوير انتخابات الرئاسة لعام 2012

copy of ex misiter of interior testimony about the presidential elections forgery in 2012 197x300 الانتخابات الرئاسية لعام 2012 تم تزويرها لصالح محمد مرسي العياط General ahmed gamal el din testimony about presidential lections forgery in 2012 173x300 الانتخابات الرئاسية لعام 2012 تم تزويرها لصالح محمد مرسي العياط