انا المواطن مصري الموقع ادناه

انا المواطن مصري الموقع ادناهشهداء الجيش في 1 يولية 2015 300x161 انا المواطن مصري الموقع ادناه
انا الي بتتكلموا وبتتاجروا بإسمي
وانا ليسه على قيد الحياة

انا المواطن مصري ياتجار حقوق الانسان
انا الي قلتم على دمي رخيص
وعايش في بلدي عبد ذليل ومتهان
انا الي قسريا خفيتوني
وقلتم على شهيد وحامي الوطن جلاد وعسكر وسجان

انا المواطن مصري الي صدرتوا له بالغصب فوضة كونداليزا الخلاقة و الغرب يريد
وعشان ينصلح حال البلد هتفتوا بإسمي فلتحيا سياسة الهدم واسقاط الدولة والتخريب
وبسم الله الله اكبر التمويل كان بزيادة ويفيض
وحرق البلد كان سهل عليكم وبسيط بصفيحة جاز وكام عود كبريت

انا المواطن مصري الي قلتم عليه عبد من عبيد البيادة
وسجدتم تبوسوا تراب الارض الي بيدوس عليها بجزمته الخواجة

انا المواطن مصري الي انعم عليه ربنا من بعد ظله بدرع جيش وشرطة تحميه
انا المواطن مصري يالي ناصب لي علي الحدود خيمة لجل ماتشرده وتعريه

انا المواطن مصري يالي مناك في سوق نخاسة داعر تبيع عرضه
انا المواطن مصري يالي قبضت التمن مقدما من بيع ارضه

انا المواطن مصري يانائحين منظمات الدعارة الدولية المستأجرين
انا المواطن مصري ياتجارالدم و الدين
لا انتم اخوان ولا مسلمين
مع ان كل مولود بيولد علي الفطرة
بس انتم جماعة اتولدتم على الفطرة مجرمين

انا المواطن مصري الموقع ادناه
انا الي غرستم انيابكم في لحمي
وشربتم في صحة خيانة الوطن مع اعدائي من دمي

انا المواطن مصري الموقع ادناه
انا الي وقفت بينك وبين الموت
وقلت ان كان تمن حريتك دمي
يبقي يااهلا وسهلا ويامرحب بيك ياموت
اموت وانا راضي
وتتيتم ولادي
وتعيش انت يابن بلادي
ايوة انا المواطن مصري الي حضنت الارهابي
عشان انت تعيش وتعيشي حرة يابلادي

انا المواطن مصري ياعالم الموقع ادناه
انا الي كلمتي هتفضل قوية ودايما من راسي
حتى وان كانت ليسه للقمتي مهيياش من فاسي
صحيح باكل عيش مستورد من قمحكم
لكن اوعوا خيالكم في يوم يصور ابدا لكم
اني اقبل اتذل ولا اوطي راسي ولا اخضع لكم
ايوة انا المواطن مصري وبقول لكم
اقطعوا عني معونتكم لو كان ده هيبعد عني سمومكم وشركم
انا المواطن مصري واللهي اهون عليا اقطعها ولا ايدي في يوم تتمديلوكم

حلف اتحاد التيوس ناده ودعانا
الي يعادي الجماعة كانه تمام عادانه

اه ياسنوات الخداع
اه ياسياسة السفالة ولوي الدراع

انا المواطن مصري مش زيك مملوك
انا المواطن مصري مش زيك صعلوك
انا المواطن مصري الموقع ادناه
والمصري يابن الخواجة
لا محتاج منك معونة ولا صك غفران
و لاشهادة حسن سير وسلوك

هؤلاء باعوا مصر وخانوها 267x300 انا المواطن مصري الموقع ادناه

نُشرت بواسطة

اترك تعليق